Sony-ին ներկայացրել է Ջեյմս Բոնդի նոր «հաբերն» ու բջջային հեռախոսը
ԵՐԵՎԱՆ, 30 օգոստոսի. /ԱՌԿԱ/. Բեռլինի IFA տեխնոլոգիական ցուցահանդեսում Sony ընկերությունը ներկայացրել է երեք պլանշետային համակարգիչ, որոնց թվում է Xperia Tablet S-ը, և երեք սմարթֆոն՝ Xperia T, Xperia V և Xperia J, հաղորդում է NDTV հեռուստաալիքը:
Ամենասպասված նորույթը դարձել է Xperia Tablet S պլանշետը, որն ունի 9,4 դյույմանոց էկրան, NVIDIA Tegra 3 պրոցեսոր, երկու տեսախցիկ, ինչպես նաև 16, 32 կամ 64 ԳԲ ներակառուցված հիշողություն: Պլանշետն աշխատում է Android 4.0 ICS օպերացիոն համակարգով: Նոր համակարգչի ևս մեկ հիանալի առանձնահատկություն է դարձել դրա հարաբերական անթափանցելիությունը. Xperia Tablet S-ը կարելի է օգտագործել նաև անձրևի տակ:
Մոդելի նախնական պատվեր կարելի է կատարել նույնիսկ այսօր, իսկ վաճառքը կսկսվի 2012թ.-ի սեպետմբերի 7-ին: Պլանշետային համակարգչի արժեքը կախված է ներակառուցված հիշողությունից և կազմում է 399-599 դոլար, հաղորդում է rbc.ru-ն:
Միաժամանակ սմարթֆոնների շրջանում ամենաղմկալի նորույթը դարձել է Xperia T հեռախոսը, որն ունի 4,6 դյույմանոց էկրան և 13 մեգապիքսել տեսախցիկ: Բջջային սարքն աշխատում է Android 4.0 ICS օպերացիոն համակարգով: Բացի այդ, Xperia T-ն ունի 16 ԳԲ ներկառուցված հիշողություն: Առանձին նշվում է, որ Ջեյմս Բոնդի մասին պատմող ֆիլմի հաջորդ շարքում այդ սմարթֆոնն օգտագործելու է 007 գործակալը: Հեռախոսի վաճառքը նույնպես մեկնարկում է այս աշնանը:
Հիշեցնենք, որ ֆիննական Nokia-ն առաջիկայում Windows 8 հարթակով նոր սմարթֆոն կներկայացնի: Ենթադրվում է, որ նոր գաջեթի շնորհանդեսը տեղի կունենա 2012թ.-ի սեպտեմբերի 5-6-ը: Այսպիսով, Nokia-ն նախատեսում է առաջ անցնել իր ամերիկյան մրցակից Apple-ից, որն iPhone 5-ի գործարկումը նախատեսում է սեպտեմբերի 12-ին:
Sony ընկերությունը հիմնադրվել է 1946թ.-ին և աշխարհում էլեկտրոնիկայի առաջատար արտադրողներից մեկն է: Sony-ն գործարկում է աուդիո և վիդեո նվագարկիչներ, mp3 փլեյերներ, DVD նվագարկիչներ, հեռուստացույցներ, մոնիտորներ և էլեկտրոնային բաղադրիչներ: Ընկերության ապրանքների թվում այնպիսի հայտնի ապրանքանիշեր կան, ինչպիսին են՝ VAIO, Bravia և Walkman: 2005թ.-ից ի վեր ընկերության կապիտալիզացիան կրճատվել է գրեթե 60 տոկոսով: -0-
Ծանոթացեք լուրերին առաջինն ու քննարկեք դրանք մեր Telegram-ում
17:58 30.08.2012