«ԱրմենՏել»-ը սկսում է ОС Android համակարգով Alcatel One Touch 985D սմարթֆոնի վաճառքը
ԵՐԵՎԱՆ, 27 փետրվարի. /ԱՌԿԱ/. «ԱրմենՏել» ընկերությունը (ապրանքանիշը Beeline) հայտարարում է Alcatel One Touch 985D սենսորային հեռախոսի վաճառքի մեկնարկի մասին, տեղեկացնում է ընկերության մամուլի ծառայությունը։
Միանալով «Սուպերմիքս» կանխավճարային սակագնային փաթեթին` ֆիզիկական անձինք կարող են ձեռք բերել այս սմարթֆոնը 69.960 դրամով, որից 34 980 դրամը փոխանցվում է բաժանորդի հաշվեկշռին: Այդ գումարը բաժանորդը կարող է օգտագործել բջջային կապի ցանկացած ծառայության համար:
««ԱրմենՏել» ընկերության նոր առաջարկը միավորում է բազմաֆունկցիոնալ սմարթֆոնը մեր առաջատար սակագնային փաթեթի հետ: Հաճախորդը փաստացիորեն ձեռք է բերում հեռախոս կես գնով, իսկ հեռախոսի հաշվին առկա նախնական հաշվեկշիռը և սմարթֆոնի մուլտիմեդիա հնարավորությունները թույլ կտան մեր բաժանորդներին լիարժեք զգալ Հայաստանի խոշորագույն հեռահաղորդակցության օպերատորի կողմից մատուցվող ծառայությունների հարմարավետությունը»,- նշել է «ԱրմենՏել» ՓԲԸ Գլխավոր տնօրենի ժամանակավոր պաշտոնակատար Կարեն Շախնազարյանը:
Alcatel One Touch 985D սենսորային հեռախոսն աշխատում է ОС Android օպերացիոն համակարգով, ֆոտոխցիկի լուծաչափն է 5 ՄՊ` ավտոֆոկուսի և տեսա-հեռարձակման հնարավորությամբ, ունի ճակատային տեսախցիկ` տեսազանգեր և տեսազրույց վարելու համար: Dual SIM տարբերակը թույլ է տալիս օգտվել լրացուցիչ քարտի հնարավորությունից: Սմարթֆոնի 3,5-դյույմանոց էկրանն ունի Multitouch ֆունկցիա: Կապի ստանդարտներն են` GSM Quad band, UMTS, HSPA, Wi-Fi b/g/n, Bluetooth 4.0:
Սմարթֆոնը հագեցած է էլեկտրոնային կողմնացույցով, G-սենսորով: Հիշողությունը` 150 ՄԲ է մինչև 32 ԳԲ ավելացնելու հնարավորությամբ: Ունի Mp3-նվագարկիչ և FM-ռադիո: Երաշխիքային ժամկետը մեկ տարի է:
«ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմը» հանդիսանում է աշխարհի խոշորագույն ինտեգրված օպերատորներից մեկը, որն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ։-0--
Ծանոթացեք լուրերին առաջինն ու քննարկեք դրանք մեր Telegram-ում
11:54 27.02.2013
