«ԱրմենՏելը» խնդիրներ չունի հաքերների գրոհների հետ. ընկերության գլխավոր տնօրեն
ԵՐԵՎԱՆ, 31 հունվարի. /ԱՌԿԱ/. «ԱրմենՏել» ընկերությունը խնդիրներ չունի հաքերների գրոհների հետ, հայկական կայքերի երեկվա և այսօրվա գրոհների առիթով ասաց «ԱրմենՏել» ընկերության գլխավոր տնօրեն Իգոր Կլիմկոն:
Կոտրած կայքերի ցուցակում են հայտնվել մի շարք բուհերի և քաղաքական միավորումների ինտերնետ ռեսուրսներ:
«Մեր հոսթինգում տեղադրված կայքերի վերաբերյալ կարող եմ ասել, որ մենք ներկայումս խնդիրներ չունենք հաքերական գրոհների հետ: Մեր հարթակներում գտնվող սերվերները բավականին պաշտպանված են, և մենք լուրջ ուշադրություն ենք դարձնում անվտանգությանը հենց հաքերների գրոհների տեսանկյունից»,- ասաց Կլիմկոն:
Նա միաժամանակ նշեց, որ տեղեկատվական տեխնոլոգիաների բուռն աճի պայմաններում դժվար է խուսափել հաքերական նպատակաուղղված գրոհներից:
«Այս պրակտիկան, ցավոք, կա ողջ աշխարհում: Դուք գիտեք, որ նույնիսկ Պենտագոնի կայքերն են կոտրում հաքերները: Ամեն դեպքում, յուրաքանչյուր պրովայդեր պետք է զբաղվի իր սերվերների անվտանգության խնդիրներով, ծրագրային և ապարատային սարքեր տեղադրի իր հաճախորդներին չվնասելու համար»,- նշեց Կլիմկոն: -0-
Ծանոթացեք լուրերին առաջինն ու քննարկեք դրանք մեր Telegram-ում
17:11 31.01.2012