Մեկնարկում է բջջային հեռախոսներից հրաժարվելու համաշխարհային ակցիան
ԵՐԵՎԱՆ, 6 փետրվարի. /ԱՌԿԱ/. «Առանց բջջային հեռախոսի օրեր» համաշխարհային ակցիան, որը մարդկանց առաջարկում է հրաժարվել բջջային հեռախոսների օգտագործումից կամ նվազեցնել դրանցով խոսելու քանակը, մեկնարկում է չորեքշաբթի` փետրվարի 6-ին, և կտևի մինչև ուրբաթ` փետրվարի 8-ը, հաղորդում է «ՌԻԱ Նովոստին»:
Արդեն 13-րդ անգամ անցկացվող տվյալ ակցիայի նպատակն է ադիկոֆոնիայի դեմ պայքարը: Այդ տերմինը ներմուծել է ֆրանսիացի գրող Ֆիլ Մարսոն, և դա նշանակում է բջջային հեռախոսներից և սմարթֆոններից հիվանդագին կախվածություն, որի ժամանակ մարդը վախ է ապրում աշխարհից կտրված լինելու դեպքում, ինչը հանգեցնում է նյարդային խախտումների:
Մարսոն, ով SMS-ի լեզվով գրված առաջին վեպի հեղինակն է, տվյալ ակցիայի նախաձեռնողն է: Ըստ նրա` «Առանց բջջային հեռախոսի համաշխարհային օրեր» ակցիան կամավոր միջոցառում է և անցկացվում է, որպեսզի հանրությանը համոզի խորհել, թե ինչպես ժամանակակից տեխնոլոգիաները փոխեցին մարդկանց հաղորդակցական սովորությունները:
Ակցիայի առաջին օրը` փետրվարի 6-ը, պատահական չի ընտրվել, այդ ամսաթիվը խորհրդանշական բնույթ է կրում: Ըստ կաթոլիկ օրացույցի` այդ օրը Գաստոնի անվան օրն է, և տվյալ անունը կիրառում են անցյալ հարյուրամյակի 70-ական թվականներին ֆրանսիայում ճանաչված Նինո Ֆերերի կատարմամբ երգի խոսքերում է հնչում. «Գաստոն, հեռախոսն է զանգում, սակայն, ինչպես միշտ, ոչ ոք չի վերցնում լսափողը»:-0-
Ծանոթացեք լուրերին առաջինն ու քննարկեք դրանք մեր Telegram-ում
12:31 06.02.2013