ՎիվաՍել-ՄՏՍ ընկերությունը Արագածոտնի և Շիրակի մարզերի բաժանորդրեին նախագզուշացնում է դեկտեմբեր-հունվար ամիսներին ցանցի խափանումների մասին
ԵՐԵՎԱՆ, 7 դեկտեմբերի. /ԱՌԿԱ/. Արագածոտնի և Շիրակի մարզերում իրականացվում են ընկերության բջջային ցանցի ընդլայնման, զարգացման և վերազինման մեծածավալ աշխատանքներ, որի պատճառով ՎիվաՍել-ՄՏՍ ընկերությունը բաժանորդներին նախագզուշացնում է ցանցի հնարավոր խափանումների մասին, հաղորդում է ընկերության մամուլի ծառայությունը:
«Ցանցի կատարելագործման աշխատանքներով պայմանավորված`ս.թ. դեկտեմբերից մինչև հունվարի առաջին կեսն ընկած ժամանակահատվածում հնարավոր են որոշ անհարմարություններ` զանգեր կատարելու և ստանալու, կարճ հաղորդագրություններ (SMS) ուղարկելու և ստանալու, ինչպես նաև` համացանցից օգտվելու ժամանակ»,- ասվում է հաղորդագրության մեջ:
Ընկերությունը հայցում է իր բաժանորդների ներողամտությունը` հնարավոր անհարմարությունների համար:
ՎիվաՍել-ՄՏՍ (Ղ-Տելեկոմ) ընկերությունը հայկական շուկայում աշխատում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին:
ՎիվաՍել-ՄՏՍ-ը 2G/3.75G/4G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: --0--
Ծանոթացեք լուրերին առաջինն ու քննարկեք դրանք մեր Telegram-ում
18:34 07.12.2012
