Ջիմ Քերին ջնջել է Facebook–յան իր էջը Ռուսաստանի պատճառով (ՖՈՏՈ)
ԵՐԵՎԱՆ, 7 փետրվարի. /ԱՌԿԱ/. Հայտնի դերասան Ջիմ Քերին որոշել է ջնջել իր էջը Facebook սոցցանցում, գրում է ՌԲԿ–ն։
«Վաճառում եմ իմ Facebook-յան արժեթղթերը և հեռացնում եմ էջս, քանի որ Facebook-ը փող է աշխատել մեր ընտրություններին Ռուսաստանի միջամտությունից, և մինչ այժմ նրանք ոչինչ չեն արել, որպեսզի կանգնացնեն այդ գործընթացը: Կոչ եմ անում ապագայի համար մտահոգվող բոլոր ներդրողներին անել նույնը», - գրել է Քերին Twitter-ում:
Նա առաջարկել է հատուկ հեշթեգ օգտագործել այս ակցիայի համար:
I’m dumping my @facebook stock and deleting my page because @facebook profited from Russian interference in our elections and they’re still not doing enough to stop it. I encourage all other investors who care about our future to do the same. #unfriendfacebook pic.twitter.com/KHWgZzhhmp
— Jim Carrey (@JimCarrey) February 6, 2018
Անցած տարվա սեպտեմբերին Facebook-ը հայտնել էր սոցցանցում Ռուսաստանից քաղաքական գովազդի թիրախային հրապարակման մասին։ Գովազդային նյութերը պատվիրատուների համար կազմել են 100 հազար դոլար, հայտնել է Facebook–ը։ Ընկերության տվյալներով, 2015 թվականի հունիսից մինչև 2017 թվականի օգոստոսը 80 հազար գրառում է հրապարակվել 120 խմբերում, որոնք, ըստ Facebook-ի, կապված են Ռուսաստանի հետ: Նման գովազդային նյութեր կարող էր տեսնել ավելի քան 126 մլն մարդ:
Հետագայում ընկերությունը գովազդի մասին տեղեկությունը փոխանցել է ԱՄՆ-ի կոնգրեսի հանձնաժողովին, որը քննում է Ռուսատանի միջամտությունը Ամերիկայի նախագահական ընտրություններում: Հետագայում Ռուսաստանի միջամտության մասին ունեցած տեղեկատվությունն օրենսդիրներին փոխանցել են Twitter-ն ու Google-ը:–0–
Ծանոթացեք լուրերին առաջինն ու քննարկեք դրանք մեր Telegram-ում
15:25 07.02.2018