VIVACELL-MTS ԸՆԿԵՐՈՒԹՅՈՒՆԸ «ՍՊԱՐՏԱԿ» ԲԱԼԵՏԻ ԲԵՄԱԴՐՈՒԹՅԱՆ ՀԱՄԱՐ 180 ՄԻԼԻՈՆ ԴՐԱՄ Է ՀԱՏԿԱՑՐԵԼ
ԵՐԵՎԱՆ, 7 մայիսի. /ԱՌԿԱ/. Հայաստանի բջջային կապի օպերատոր VivaCell-MTS ընկերությունը 180 մլն դրամ է հատկացրել Երևանի Ալ.Սպենդիարյանի անվան օպերայի և բալետի ակադեմիական թատրոնում «Սպարտակ» բալետի բեմադրության համար, «ԱՌԿԱ» գործակալությանը հայտնեցին ընկերության մամուլի ծառայությունից։
«ՎիվաՍել-ՄՏՍ-ը, ձգտելով էլ ավելի ընդլայնել միջմշակութային փոխանակումներն ու շփումները երկու երկրների միջև, պատրաստակամությամբ է տեր կանգնել Հայաստանում մշակութային տոն կոչվելուն արժանացած ներկայացումը` «Սպարտակը» հովանավորելու գաղափարին` 180 միլիոն դրամ հատկացնելով բեմադրման աշխատանքների կազմակերպման նպատակով»,- ասվում է հաղորդագրությունում։
«Սպարտակ» բալետի պրեմիերան Երևանում տեղի ունեցավ Հայաստանի և Ռուսաստանի առաջին տիկիններ Ռիտա Սարգսյանի և Սվետլանա Մեդվեդևայի բարձր հովանու ներքո, ովքեր բալետի վերածննդի գաղափարի հեղինակներն են մեծ կոմպոզիտորի հայրենիքում։
«Շնորհիվ VivaCell-MTS ընկերության նպատակաուղղված ջանքերին և հետևողական աշխատանքին՝ դասական երաժշտության հայկական լսարանին մշիտ բացառիկ հնարավորություն է ընձեռվում միանալ ազգային և համաշխարհային գեղարվեստական ժառանգությանը։ «Սպարտակ» բեմականացումը երևանյան բեմում հետագա միջոցառումների համար երկրի մշակութային կյանքում բարձր ցուցանիշ է, որոնք պետք է բարձր մակարդակի վրա պահել»,- նշեցին մամուլի ծառայությունից։
Բեմականացման բեմադրիչն է Ռուսական Մեծ թատրոնի բալետմայստեր Յուրի Գրիգորովիչն, ով աշխատել էր հայկական բալետի լավագույն ներկայացուցիչների հետ՝ «Սպարտակը» հայ հանդիսատեսին բարձր կատարողական մակարդակով ներկայացնելու համար: Բոլորը միաձայն նշեցին հայազգի պարողների ու պարուհիների կատարողական արվեստի բարձր մակարդակը։ Գրիգորովիչի բեմադրած Արամ Խաչատրյանի աշխարհահռչակ գործը` «Սպարտակ» բալետը մեծ հաջողություն է ունեցել ռուսական Մեծ թատրոնում և ընդգրկված է խաղացանկում:
ՎիվաՍել–ՄՏՍ-ը (Ղ-Տելեկոմ ՓԲԸ) Հայաստանում շարժական կապի առաջատար օպերատոր է, որը տրամադրում է ձայնային և տվյալների փոխանցման ծառայությունների բազմազան տեսականի: Իր հիմնադրման օրվանից` 2005թ. հուլիսի 1-ից, կարճ ժամանակամիջոցում ՎիվաՍել–ՄՏՍ-ը կարողացել է ստեղծել համահանրապետական ցանց և բաժանորդների զգալի բազա:
«Բջջային հեռահամակարգեր» ԲԲԸ-ն (ՄՏՍ) Ռուսատանի և ԱՊՀ երկրների բջջային կապի խոշորագույն օպերատորն է: Դուստր ձեռնարկությունների հետ միասին կազմակերպությունը սպասարկում է ավելի քան 92.19 միլիոն բաժանորդի: Ռուսաստանի 82 տարածաշրջանների բնակչությունը, ինչպես նաև Բելառուսի, Ուկրաինայի, Ուզբեկստանի և Թուրքմենստանի բնակչությունը, որտեղ ՄՏՍ-ը և իր դուստր ձեռնարկություններն ունեն լիցենզիա GSM ստանդարտներին համապատասխան ծառայություններ մատուցելու համար, կազմում է ավելի քան 230 միլիոն մարդ: 2000թ-ից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ—0—
Ծանոթացեք լուրերին առաջինն ու քննարկեք դրանք մեր Telegram-ում
23:17 07.05.2009