Ucom-ի ծառայությունները Երևանի ողջ տարածքում հասանելի կլինեն մինչև տարեվերջ

ԵՐԵՎԱՆ, 4 ապրիլի. /ԱՌԿԱ/. Ucom ընկերության օպտիկամանրաթելային ցանցն ամբողջությամբ կծածկի Երևանը մինչև 2012 թվականի վերջը, չորեքշաբթի ասաց ընկերության տնօրեն Հայկ Եսայանը «Նովոստի» միջազգային մամուլի կենտրոնում:

«Առաջիկա երկու ամիսներին մենք ամբողջությամբ կավարտենք Երևանի բոլոր բազմաբնակարանային շենքերի միացումը մեր ցանցին, ինչից հետո կանցնենք մայրաքաղաքի 53 հազ. տների միացմանը»,- ասաց Եսայանը, ավելացնելով, որ աշխատանքները ծրագրվում է ավարտել տարեվերջին:

Ըստ նրա, մնացել է ցանցին միացնել Էրեբունի և Մալաթիա-Սեբաստիա վարչական կենտրոնների բազմաբնակարան շենքերը, ինչը կարվի առաջիկա երկու ամիսների ընթացքում:

Ավելի վաղ Ucom-ի կողմից օպտիկամանրաթելային ցանցով Երևանի վերջնական ծածկման ժամկետները բազմիցս տեղափոխվել են: Եսայանը բացատրեց դա բացառապես տեխնիկական պատճառներով: Չխոսելով մանրամասների մասին՝ նա նշեց, որ 53 տների միացման գործընթացը կապված է որոշակի խնդիրների հետ:

Եսայանը տեղեկացրեց, որ այսօր ընկերությունն ունի մոտ 30 հազ. բաժանորդ, որոնցից 70 տոկոսը՝ Ինտերնետ-բաժանորդներ, և միայն 30 տոկոսն են օգտվում Ucom-ի այլ ծառայություններից:

«Մենք սկսել ենք ծառայություններ մատուցել Երևանում 2010 թվականի սկզբից Կենտրոն վարչական շրջանում: Այսօր արդեն այդ շրջանի Ինտերնետ օգտագործողների 50 տոկոսն այսօր նախընտրում է Ucom: Հետաքրքիր է, որ մենք չենք ունեցել ծառայություններից հրաժարվելու դեպքեր, ինչը հատկանշական է նույնիսկ եվրոպական չափանիշներով»,- ավելացրեց նա:

UCom (Universal Communications) ընկերությունը հիմնադրվել է 2007թ.-ին և մի շարք ավանդական և ժամանակակից բարձրարդյունավետության ծառայություններ է մատուցում հեռահաղորդակցության հայկական շուկայի համար։ Ericsson ընկերությանաջակցությամբ ընկերությունը ստեղծել է լայնաշերտ հասանելիության ցանց, որն ընդգրկում է Հայաստանի մայրաքաղաք Երևանը՝տրամադրելով Ինտերնետի, IP-հեռախոսակապի և ինտերնետ-հասանելիության ծառայություններ:-0- 

 

 

Ծանոթացեք լուրերին առաջինն ու քննարկեք դրանք մեր Telegram-ում

15:02 04.04.2012