Orange-ը Երևանում Երաժշտության տոնի գլխավոր գործընկերն է
ԵՐԵՎԱՆ, 22 հունիսի. /ԱՌԿԱ/. Orange-ը իր մասնակցությունն է բերել հունիսի 21-ին Երևանում կայացած «Երաժշտության տոնին», «ԱՌԿԱ» գործակալությանն են տեղեկացնում ընկերության մամուլի ծառայությունից:
«FՍte de la musique-ը ֆրանսախոս աշխարհի սիրելի երաժշտական միջոցառումներից մեկն է, որի նպատակն է երաժշտությունը համերգասրահներից դուրս բերել փողոց և սկսնակ երաժիշտներին ու կատարողներին հնարավորություն տալ հանդես գալ հանրության առջև: Արդեն մի քանի տարի է, ինչ Երևանը նույնպես միանում է այս տոնին»,- նշված է հաղորդագրության մեջ:
Հարազատ մնալով իր «միասին կարող ենք ավելին» կարգախոսին` Orange-ը միացել է այս նախաձեռնությանը` նպատակ ունենալով նոր երաժշտական տրամադրություն նվիրել երևանցիներին: Օրվա ամենամեծ համերգը, որը միավորում է Հայաստանի բազմաթիվ ռոք խմբերի`The Beautified Project, Սուրեն Առուստամյան և ARSA blues band, E.V.A, Hayard, տեղի ունեցավ Շառլ Ազնավուրի հրապարակում:
Օրանժ Արմենիան, որը Ֆրանս Տելեկոմ Խմբի մասն է կազմում, Հայաստանում շարժական հեռախոսակապի և ինտերնետի ծառայություններ է մատուցում 2009թ. նոյեմբերի 5-ից: Ընկերությունը 2009թ. Հայաստանում կատարել է 140 մլն եվրոյի ներդրումներ, և ապահովում է բջջային կապի և գերարագ ինտերնետի հասանելիությունը Հայաստանի 500 քաղաքներում և գյուղերում։ Orange-ի 3G+ ծածկույթն այսօր ամենաընդարձակն է Հայաստանում և ծածկում է բնակչության ավելի քան 85% տոկոսը: Ընկերությունն իր գործունեության առաջին ամսում գրանցեց ձայնային ծառայությունների 100,000-րդ բաժանորդի մուտքը: 2010թ. ապրիլի վերջի դրությամբ Օրանժ Արմենիան ուներ 250,000 ակտիվ բաժանորդ, որոնցից 25,000-ը գերարագ ինտերնետի բաժանորդներ են:-0-
Ծանոթացեք լուրերին առաջինն ու քննարկեք դրանք մեր Telegram-ում
17:12 22.06.2010