Beeline-ը սկսում է Հայաստանում Samsung Galaxy Note 4-ի և Samsung Alpha G850-ի վաճառքը

ԵՐԵՎԱՆ, 10 նոյեմբերի. /ԱՌԿԱ/. «ԱրմենՏել» հայկական հեռահաղորդակցական ընկերությունը (ապրանքանիշը՝ Beeline) սկսում է Samsung Galaxy Note 4-ի և Samsung Alpha G850-ի վաճառքը, հաղորդում է ընկերության մամուլի ծառայությունը:

Ինչպես նշեցին ընկերությունից, Samsung-ի նորարարական սարքավորումները կարելի է ձեռք բերել Beeline վաճառքի և սպասարկման գրասենյակներում` ինչպես կանխիկ, այնպես էլ ապառիկ տարբերակով: Կանխիկ վաճառքի դեպքում Samsung Galaxy Note 4-ի արժեքը 357.000 դրամ է, իսկ Samsung Alpha G850-ի արժեքը՝ 336.000 դրամ:

«Ուրախ ենք, որ Հայաստանում Beeline-ն առաջիններից մեկն է, որ իր բաժանորդներին ներկայացրեց տեխնոլոգիական այս նորույթները: Մենք ոչ միայն աշխատում ենք ծառայությունների կատարելագործման ուղղությամբ՝ դարձնելով դրանք ավելի պարզ ու հարմար, այլև հոգ ենք տանում, որպեսզի մեր բաժանորդները կարողանան օգտվել Beeline ծառայություններից լավագույն և նորարարական սարքավորումներով»,- նշել է Հայաստանում Beeline-ի գլխավոր տնօրեն Անդրեյ Պյատախինը։

Samsung Galaxy Note 4-ը թողարկվել է 2014թ.-ի սեպտեմբերին: Սմարթֆոնն աշխատում է Android 4.4 KitKat օպերացիոն համակարգով, հագեցած է 16-միգապիքսել հիմնական տեսախցիկով, 5.7 դույմ էկրանով, 32 ԳԲ ներքին հիշողությամբ, Quad HD էկրանով և սենսորների լայն բազմազանությամբ:

Samsung Alpha G850 սմարթֆոնը Galaxy շարքի հեռախոսներից առաջին սմարթֆոնն է, որի արտադրության մեջ օգտագործվել է երկաթ։ Այն թողարկվել է 2014թ.-ի սեպտեմբերին. աշխատում է Android 4.4 KitKat օպերացիոն համակարգով, հագեցած է 12-միգապիքսել հիմնական տեսախցիկով, 4.7 դյույմ էկրանով և 32 ԳԲ ներքին հիշողությամբ:

Հեռախոսների և այլ սարքավորումների վերաբերյալ լրացուցիչ տեղեկություն կարելի է ստանալ Beeline-ի վաճառքի և սպասարկման գրասենյակներում, 0611 անվճար հեռախոսահամարով կամ www.beeline.am կայքում:

ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ ($1 – 414,6 դրամ): –0-

Ծանոթացեք լուրերին առաջինն ու քննարկեք դրանք մեր Telegram-ում

19:34 10.11.2014