Samsung DUOS սմարթֆոնը Հայաստանում կսկսվի վաճառվել 2011 թ.-ին

ԵՐԵՎԱՆ, 22 հունիսի. /ԱՌԿԱ/. Հայաստանում Samsung  DUOS սմարթֆոնը նախատեսվում է հանել վաճառքի 2011 թ.-ին, «ԱՌԿԱ» գործակալությանը տեղեկացրեց Հայաստանում «Samsung Electronics»-ի ներկայացուցչության ղեկավար Անդրանիկ Շահբազյանը:

«Քանի որ մենք DUOS-ի վաճառքի դական փորձ ունենք, նախատեսում ենք 2011 թ.-ին շուկա հանել սմարթֆոն երկու SIM-քարտերով», - ասաց նա:
Հայաստանում մայիսի 21-ին մեկնարկել է նոր սերնդի Samsung GALAXY S II սմարթֆոնի պաշտոնական վաճառքը, որը կարելի է ձեռք բերել Samsung, Mobile Center խանութներում, ինչպես նաև VivaCell-MTС-ի և Orange-ի սպասարկման կենտրոններում:

Samsung Galaxy S II սմարթֆոնը աշխատում է Android պլատֆորմով և Qualcomm MSM8260 1000Mhz պրոցեսորով, ունի 4,3 դյույմանոց Super AMOLED Plus դիսփլեյ, որն արտացոլում է մինչև 16 մլն գույն: Սմարթֆոնն ունի 4.27" անկյունագիծ և 8 Mpx տեսախցիկ:
Սմարթֆոնն ունի 1650 mAh հզոր մարտկոց: Հեռահաղորդակցության համար կարող է առաջարկել WAP բրաուզեր, EDGE, WiFi, ստերեո Bluetooth և, իհարկե, USB: Երաժշտություն սիրողների համար կա 3,5 մմ աուդիո ելք: Սմարթֆոնն ունի նաև GPS-ընդունիչ:-0-  

Ծանոթացեք լուրերին առաջինն ու քննարկեք դրանք մեր Telegram-ում

17:13 22.06.2011