Երևանի «Թումո» ՏՏ կենտրոնում մեկ շաբաթվա ընթացքում ուսանելու մոտ 1700 հայտ է ստացվել
ԵՐԵՎԱՆ, 24 օգոստոսի. /ԱՌԿԱ/. Երևանի «Թումո» Կրեատիվ տեխնոլոգիաների կենտրոնում 12-18 տարեկան պատանիներից և աղջիկներից ուսանելու մոտ 1700 հայտ է գրանցվել օգոստոսի 15-22-ը, «ԱՌԿԱ» գործակալությանը հայտնեց կենտրոնի մամուլի քարտուղար Սեդա Պապոյանը:
«Գրանցվածների ընդհանուր թվի 63 տոկոսը հիմնականում 12-15 տարեկան պատանիներ են»,- ասաց Պապոյանը:
Ընդհանուր առմամբ, ասաց նա, ակնկալվում է, որ կենտրոնի աշակերտների թիվն այս տարի կհասնի 10 հազարի: «Ուսուցման առաջին փուլը մեկնարկում է սեպտեմբերին, երկրորդը՝ հոկտեմբերին, իսկ հաջորդը՝ նոյեմբերին»,- ասաց Պապոյանը՝ հավելելով, որ ամբողջ կուրսը տևում է երկու տարի:
Նրա խոսքով, «Թումո» դիմել ցանկացողների մեծ թիվը հաշվի առնելով՝ սկզբնական փուլում ուսուցումը կանցկացվի շաբաթական մեկ անգամ՝ դպրոցական պարապմունքներից հետո: «Յուրաքանչյուր խումբ կկարողանա պարապել երկուական ժամ՝ հայերեն և անգլերեն լեզուներով մշակած հատուկ ծրագրով»,- նշեց մամուլի քարտուղարը:
«Թումո» կենտրոնը նախատեսված է 12-18 տարեկան երեխաների տեղեկատվական տեխնոլոգիաներին անվճար ուսուցման համար: Կենտրոնի նպատակն է ծանոթացնել հայ երիտասարդներին առաջատար տեխնոլոգիաների հետ և ուսուցանել դրանք, ինչպես նաև հնարավորություն ընձեռել նրանց հետաքրքրող ՏՏ ոլորտների առավել խորը ուսումնասիրման համար:
Ուսուցման առաջին փուլը կանցնի հետևյալ ուղղություններով՝ համակարգչային խաղերի մշակում, Digital Media ձևաչափի ֆիլմեր, վեբ-դիզայն, անիմացիա:
Ամենատաղանդավոր սաները 1-2 տարի անց կանցնեն երկրորդ փուլ և կօգնեն մասնագետներին ուսումնական գործընթացի կազմակերպման հարցում, կենտրոնի՝ 4 հազար քառակուսի մետր մակերեսով երկրորդ հարկում կա ինկտուբատոր-լաբորատորիա, ստուդիաներ և անձնական գրասենյակներ:
Լավագույն սաների աշխատանքները ներկայացվեն ոչ միայն Հայաստանում, այլև արտասահմանում: Նրանք նաև հնարավորություն կստանան մասնակցել տարատեսակ միջազգային մրցույթներին և այնպիսի ընկերությունների թրեյնինգների, ինչպիսիք են Pixar-ը և Disney-ը: Կենտրոն կհրավիրվեն լավագույն մասնագետներ, այս կամ այն ոլորտի հայտնի ներկայացուցիչներ:--0—
Ծանոթացեք լուրերին առաջինն ու քննարկեք դրանք մեր Telegram-ում
20:35 24.08.2011