ՄԻԱՎ-ի տարածման կանխմանը նվիրված փոստային նամականիշ է մարվել Հայաստանում

ՄԻԱՎ-ի տարածման կանխմանը նվիրված փոստային նամականիշ է մարվել Հայաստանում

ԵՐԵՎԱՆ, 1 դեկտեմբերի. /ԱՌԿԱ/. ՄԻԱՎ-ի տարածման կանխմանը նվիրված հատուկ փոստային նամականիշի և ծրարի մարման արարողություն է տեղի ունեցել հինգշաբթի «ՀայՓոստի» Երևանի փոստային բաժանմունքներից մեկում:

Նամականիշի թողարկումն իրականացվել է «Հայփոստ» ՓԲԸ-ի կողմից ՄԱԿ-ի ՄԻԱՎ/ՁԻԱՀ-ի միավորված ծրագրի և ՄԱԿ-ի Հանրային տեղեկատվության դեպարտամենտի (UNAIDS) օժանդակությամբ ՄԻԱՎ/ՁԻԱՀ-ի վերաբերյալ 2009 թվականին Համաշխարհային փոստային միության, UNAIDS, Աշխատանքի միջազգային կազմակերպության (International Labour Organization, ILO) և UNI Global կազմակերպության կողմից համաշխարհային քարոզարշավի շրջանակներում:

«Հայփոստի» տնօրենի պաշտոնակատար Հայկ Ավագյանի խոսքով՝ այս նախաձեռնությամբ «Հայփոստը» միացել է տարբեր երկրների ավելի քան 20 փոստային օպերատորների, որոնք նույնպես ֆիլատելիստական արտադրանք են թողարկել դեկտեմբերի մեկին նշվող ՁԻԱՀ-ի դեմ պայքարի համաշխարհային օրվա կապակցությամբ:

«Այս նամականիշի թողարկման նպատակն է հրավիրել լայն հասարակայնության ուշադրությունը ՄԻԱՎ-վարակակիրների խնդիրներին, ինչպես նաև համախտանիշի տարածման կանխարգելման հարցերին»,- ասաց Ավագյանն արարողության ընթացքում:

Հայաստանում ՄԱԿ-ի ՄԻԱՎ/ՁԻԱՀ-ի միավորված ծրագրի ղեկավար Նաիրա Սարգսյանը նշեց, որ այս նամականիշի թողարկումը հնարավորություն է ստեղծում ավելորդ անգամ բարձրացնել ՄԻԱՎ տարածման կանխման հարցերը:
«Հույս ունեմ, որ այս միջոցառումն օրինակ կծառայի հայկական ընկերություններին և կազմակերպություններին, և նրանք էլ կսկսեն ուշադրություն դարձնել այս խնդրին»,- հավելեց նա:

ՁԻԱՀ-ի կանխարգելման հանրապետական կենտրոնի տնօրեն Սամվել Գրիգորյանն իր հերթին ասաց, որ այսօր Հայաստանում մեծ բաց կա ՄԻԱՎ/ՁԻԱՀ-ի վերաբերյալ լայն հասարակայնության իրազեկության առումով:

«Հուսով եմ, որ այս նամականիշը որոշակի դեր կխաղա այս բացը լրացնելու հարցում»,- ասաց նա:

Նամականիշը թողարկվել է 30 հազար օրինակ տպաքանակով: --0--

23:19 01.12.2011





 

« Դեկտեմբեր 2017

Երկ
Երք
Չոր
Հնգ
Ուրբ
Շաբ
Կիր
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×