Ալավերդիում բացվել է Beeline-ի Վաճառքի և սպասարկման նոր գրասենյակ
ԵՐԵՎԱՆ, 6 մարտի./ԱՌԿԱ/. Ալավերդիում Beeline-ի Վաճառքի և սպասարկման գրասենյակը վերաբացվել է նոր հասցեում՝ Թումանյան 49/5-1։
Գրասենյակը բաց է աշխատանքային օրերին ժամը 09։00-ից մինչև 18։00-ը՝ առանց ընդմիջումների, հաղորդում է Beeline–ի մամուլի ծառայությունը։
«Մեզ համար շատ կարևոր է, որ մեր պարզ և հարմար ծառայություններից օգտվելը լինի ոչ միայն շահավետ, այլև հաճելի։ Ուրախ ենք, որ Ալավերդիում մեր հաճախորդներն արդեն կարող են այցելել նոր, գեղեցիկ և ժամանակակից գրասենյակ։ Վստահ եմ, որ մեր աշխատակիցները նույնպես ավելի մեծ հաճույքով և ոգևորությամբ կկատարեն իրենց աշխատանքն այստեղ։ Ալավերդի քաղաքի բնակիչներին սիրով սպասում ենք այս նոր գրասենյակում», - նշել է Հայաստանում Beeline-ի գլխավոր տնօրեն Անդրեյ Պյատախինը։
Այսօրվա դրությամբ Հայաստանի տարածքում գործում է 77 սեփական և դիլերական Վաճառքի և սպասարկման գրասենյակ: Beeline-ի Վաճառքի և սպասարկման գրասենյակների հասցեների, ինչպես նաև աշխատանքային ժամերի մասին առավել մանրամասն տեղեկատվություն կարելի է ստանալ www.beeline.am կայքում:
Նշենք, որ Խուդյակով 2 հասցեում գտնվող Beeline-ի Վաճառքի և սպասարկման գրասենյակը այլևս չի գործում։
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–
Ծանոթացեք լուրերին առաջինն ու քննարկեք դրանք մեր Telegram-ում
16:01 06.03.2019