Beeline-ի #ՇԵՅՔԸ վերադառնում է ամանորյա նվերների շքերթով
ԵՐԵՎԱՆ, 17 դեկտեմբերի․/ԱՌԿԱ/․ Team Telecom Armenia-ն (ապրանքանիշը՝ Beeline) հայտարարում է ընկերության ամենահայտնի և ամենասիրված ակցիայի՝ #ՇԵՅՔԻ վերադարձի մասին, հաղորդում է Team Telecom Armenia ընկերության մամուլի ծառայությունը:
Այս անգամ #ՇԵՅՔԸ տոնական է` լի ամանորյա տրամադրությամբ և շատ ցանկալի նվերներով:
Եթե Beeline-ի բաժանորդ ես, #ՇԵՅՔԻ՛Ր (թափահարիր) սմարթֆոնդ ամեն օր և ստացի՛ր հնարավորություն շահելու՝ ուղեգիր դեպի Եգիպտոս` 2 անձի համար, iPhone 13, բազմաթիվ Yandex Plus`90 օրվա անվճար բաժանորդագրության պրոմո կոդեր, անլար ականջակալներ, արտաքին մարտկոցներ, ֆիթնես թևնոցներ, անլար բարձրախոսներ և բազում այլ հատուկ առաջարկներ։
«#ՇԵՅՔԸ էլ վաղուց պարզապես ակցիա չէ: Այն վերածվել է նվերներով լի թրենդի, որը շատ են սիրում մեր բաժանորդները: Այս անգամ մեր տոնական #ՇԵՅՔԵՐԻ արշավը կլինի էլ ավելի հեքիաթային` մասնակիցներին սպասում են բազմաթիվ հաճելի անակնկալներ, օգտակար նվերներ, իսկ գլխավոր հաղթողին՝ անմոռանալի ճամփորդություն դեպի հեքիաթային Եգիպտոս», - ասում է Team Telecom Armenia-ի թվային պրոդուկտների բաժնի ղեկավար Նարեկ Աճեմյանը:
Մասնակցության համար անհրաժեշտ է ներբեռնել My Beeline Armenia հավելվածը և ամեն օր շեյքել (թափահարել) հեռախոսը ու շահել պարտադիր նվերներից որևէ մեկը։Team Telecom Armenia ապրանքային նշանի ներքո հանդես եկող «Տելեկոմ Արմենիա» ՓԲ ընկերությունը (նախկին «ԱրմենՏել»), հանդիսանալով Հայաստանում հեռահաղորդակցության առաջին համակարգի ժառանգորդը, տրամադրում է հեռահաղորդակցության ծառայությունների ամբողջական փաթեթ: «Տելեկոմ Արմենիա» ՓԲԸ-ն գործում է նաև Beeline ապրանքանիշի ներքո:-0-
Ծանոթացեք լուրերին առաջինն ու քննարկեք դրանք մեր Telegram-ում
17:37 17.12.2021
