Beeline-ի աշխատակիցները ՎԵՈՆ խմբի գլոբալ Digithon-ի հաղթողների ցանկում են
ԵՐԵՎԱՆ, 28 հոկտեմբերի./ԱՌԿԱ/. Ամստերդամում տեղի ունեցավ ՎԵՈՆ խմբի գլոբալ Digithon 2019-ը, որին մասնակցել են նաև Հայաստանում Beeline-ի աշխատակիցները, հաղորդում է Beeline ընկերության մամուլի ծառայությունը։
Digithon–ի շրջանակում ՎԵՈՆ խմբի մաս կազմող բոլոր ընկերությունների ներկայացուցիչները մշակում են նորարարական և արդիական թվային ծառայությունների նախատիպեր: Մարաթոնին մասնակցել են խմբի 10 երկրներում անցկացված տեղական Digithon-ների հաղթող թիմերը։ Այդ թիմերի մասնակիցներից գլոբալ Digithon–ին ձևավորվել է տաս թիմ, որոնց կազմում ընդգրկվել էին տարբեր երկրների ներկայացուցիչներ` այդ թվում Հայաստանում Beeline-ի հինգ աշխատակից։ Digithon–ի այս տարի հիմնական թեման էր՝ 5G ցանցի մարտահրավերները:
24 ժամվա ընթացքում թիմերը մշակել են իրենց գաղափարները և պատրաստել են նախատիպեր, որոնք ներկայացրել են մասնագիտական հանձնաժողովի և գործընկերների դատին։ Հաղթողների ընտրությունն անցկացվել է երկու եղանակով. թիմերի համար քվեարկել է մասնագիտական հանձնաժողովը և մարաթոնին առցանց հետևող իրենց գործընկերները` ՎԵՈՆ խմբի ընկերություններից։ Արդյունքում ընտրվել է երեք լավագույն թիմ, որոնցից առաջին տեղ զբաղեցրած թիմում կա նաև Հայաստանում Beeline-ի ներկայացուցիչ։
«Beeline-ի համար շատ կարևոր է մշտապես զարգացնել իր աշխատակիցների գիտելիքներն ու հմտությունները և բացահայտել նրանց ներուժը։ Վստահ եմ, որ տարբեր երկրներից մեր գործընկերների հետ հանդիպումը և արդիական ու նորարական լուծումների մշակումը մեծ խթան կլինի թե՛ մեր աշխատակիցների, թե ընկերության զարգացման համար։ 5G ցանցի ներդրումը պարզապես ժամանակի հարց է, և մենք այսօրվանից մտածում ենք ապագայում մեր հաճախորդների համար անհրաժեշտ՝ պարզ համարձակ և շահավետ լուծումների մասին», - նշել է Հայաստանում Beeline-ի գլխավոր տնօրեն Անդրեյ Պյատախինը։
Հաղթող ճանաչված Sonic Boom թիմը որպես մրցանակ կայցելի Սեուլ, Հարավային Կորեա: Այդ երկրում գործարկվել է աշխարհում առաջին 5G բջջային ցանցը և գործում են բազմաթիվ նորարար թվային ընկերություններ: Թիմը մշակել է BoomVR կոնցեպտը՝ հավելված, որը եզակի հնարավորություն է տալիս վիրտուալ իրականության միջոցով այցելել ձեր երազանքի ցանկացած համերգ կամ միջոցառում:
Նշենք, որ 2-րդ և 3-րդ տեղերը զբաղեցրած The Big Bang և 4G Killers խմբերը նույնպես կստանան մրցանակներ։
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույնինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցությանընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնվածձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում,Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: ՎԵՈՆ» խմբիընկերությունները ծառայություններ են մատուցում «Beeline», «Киевстар», «Wind», «Mobilink», Banglalink» և «Djezzy»ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–
Ծանոթացեք լուրերին առաջինն ու քննարկեք դրանք մեր Telegram-ում
13:42 28.10.2019