Beeline-ի և AIESEC-ի համագործակցությամբ Հայաստանում կանցկացվի երիտասարդների առաջնորդությունը զարգացնող ամենամյա սեմինարը
ԵՐԵՎԱՆ, 11 մարտի./ԱՌԿԱ/. «ԱՅՍԵԿ-Հայաստան» (AIESEC in Armenia) միջազգային երիտասարդական կազմակերպությունը, այս տարի համագործակցելով Beeline-ի հետ, մարտի 13-ին Աղվերանում կմեկնարկի արդեն շատերի կողմից սիրված NLDS եռօրյա սեմինարը (երիտասարդների շրջանում առաջնորդությունը զարգացնելուն ուղղված եռօրյա սեմինար), հաղորդում է Beeline–ի մամուլի ծառայությունը։
Սեմինարի շրջանակներում քննարկվելու են երիտասարդությանը հետաքրքրող թեմաներ, ինչպիսիք են՝ առաջնորդություն, մարքեթինգ, ձեռնարկատիրության զարգացում, ստարտափ հիմնադրելու նրբությունները և բիզնեսում նորովի մտածելու արվեստը։
Սեմինարը, որին այս տարի մասնակցում է ավելի քան 200 հայ երիտասարդ, կազմակերպել է «ԱՅՍԵԿ-Հայաստան» (AIESEC) միջազգային երիտասարդական կազմակերպությունը՝ նախորդ տարվա սեմինարի հաջողությունից ոգեշնչվելով։ Սեմինարին ելույթով հանդես կգան Beeline-ի ներկայացուցիչներ, իսկ Beeline Startup Incubator-ի համակարգող Գրիգոր Հովհաննիսյանը կներկայացնի հաջողակ ստարտափ հիմնադրելու գաղտնիքները:
«ԱՅՍԵԿ Հայաստան» (AIESEC) միջազգային ուսանողական կազմակերպությունը Հայաստանում գործում է 1989 թվականից: Լինելով միջազգային, շահույթ չհետապնդող, ոչ քաղաքական և մինչև 30 տարեկան երիտասարդների կողմից կառավարվող աշխարհի ամենամեծ երիտասարդական կազմակերպությունը՝ AIESEC-ը հնարավորություն է տալիս երիտասարդներին բացահայտելու ու զարգացնելու իրենց ներուժը և դրանով իսկ նպաստում է հասարակության զարգացմանը:
«ԱՅՍԵԿ-Հայաստան» (AIESEC) կազմակերպությունը յուրահատուկ հարթակ է ստեղծում հայ ուսանողների համար մասնակցելու միջազգային փոխանակման ծրագրերի, համաժողովների և սեմինարների, լինելու ներգրավված համաշխարհային ուսումնական մթնոլորտի մեջ ինչպես նաև միջազգային ծանոթություններ ձեռք բերելու:
AIESEC կազմակերպության միջազգային փոխանակման ծրագրերի միջոցով հայ երիտասարդները հնարավորություն են ստանում նաև մասնակցելու տարբեր երկրներում իրականացվող մասնագիտական վերապատրաստման, պրակտիկայի կամ ուղղակի կամավորության ծրագրերի։
Այսօր «ԱՅՍԵԿ-Հայաստան»-ը իր զարգացման առավել ակտիվ շրջանում է՝ ունի 100 ակտիվ անդամ և 2000 – ից ավել շրջանավարտ: Տարեկան կազմակերպությունն իրականացնում է միջինը 50 փոխանակման ծրագրեր։
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: 2007թ.–ի ապրիլից «ՎԵՈՆ Արմենիա» ՓԲԸ–ի 100% –ը (ավելի վաղ «ԱրմենՏել» ՓԲԸ) պատկանում է Veon ընկերությունների խմբին։ «ՎԵՈՆ Արմենիան» տրամադրում է ֆիքսված և բջջային կապի ծառայություններ։-0-
Ծանոթացեք լուրերին առաջինն ու քննարկեք դրանք մեր Telegram-ում
16:49 11.03.2020