Beeline-ում բջջային ինտերնետը արդեն անսահմանափակ է

ԵՐԵՎԱՆ, 8 օգոստոսի․/ԱՌԿԱ/․ Beeline-ում բջջային ինտերնետը արդեն անսահմանափակ է, հաղորդում է Beeline ընկերության մամուլի ծառայությունը։   

·  Beeline հզորացրել է BeeFree սակագնային փաթեթները:

·  Ընկերությունը «ազատում» է բջջային ինտերնետը, վերադարձնելով բոլորի կողմից այդքան սպասված անսահմանափակ ինտերնետով փաթեթները:

·  Unlimit ինտերնետ ու անվերջ շփում՝ սկսած 4900 դրամից:

Team Telecom Armenia-ն (Beeline) բարելավում է BeeFree սակագնային փաթեթները, առաջարկելով անսահմանափակ բջջային ինտերնետ: Փաթեթները նախատեսված են ակտիվ և ժամանակակից մարդկանց համար, ովքեր գնահատում են իրենց ազատությունը և ձգտում են միշտ կապի մեջ լինել իրենց մտերիմների հետ:

Նոր BeeFree 4900 և բարձր սակագնային փաթեթներում բաժանորդները կստանան իսկապես անսահմանափակ ինտերնետ, իսկ BeeFree 1900 և BeeFree 2900 փաթեթներում զգալիորեն ավելացել է ներառված ինտերնետի ծավալը և պահպանվել է սիրված ինտերնետ հավելվածներից անսահմանափակ օգտվելու հնարավորությունը:

Team Telecom Armenia-ի գլխավոր տնօրեն Հայկ Եսայանը նշեց. «Բաժանորդների բազմաթիվ ցանկությունները, ինչպես նաև բջջային ցանցի տեխնիկական բարելավումները, որոնք մենք վերջերս կատարել ենք, թույլ են տալիս մեր հաճախորդներին առաջարկել իսկապես անսահմանափակ ինտերնետ: Ուրախ ենք մեր բաժանորդներին տալ իրական ազատություն ինտերնետում` մեր ժամանակակից, վերազինված 4G+ բջջային ցանցի հիման վրա»:

BeeFree սակագնային փաթեթների մասին լրացուցիչ տեղեկատվություն կարելի է ստանալ www.beeline.am կայքում, հաղորդագրություն ուղարկելով Facebook սոցիալական ցանցում Beeline Armenia պաշտոնական էջին, զանգահարելով 100 անվճար համարին, կամ Beeline-ի մոտակա վաճառքի և սպասարկման գրասենյակում։

«Team» հեռահաղորդակցական ընկերության (ապրանքանիշը` TEAM. Telecom Armenia) հիմնադիրներն են Հայկ և Ալեքսանդր Եսայանները, որոնք եղել են Ucom ընկերության հիմնադիրներն ու երկար ժամանակ ղեկավարել են ընկերությունը։ Նոր ընկերությունը գրանցվել է 2020թ.–ի ապրիլի 20–ին «AllNet» անունով, հետո անվանափոխվել է «TEAM»–ի և ՀԾԿՀ–ից հեռահաղորդակցական ոլորտում գործունեություն իրականացնելու արտոնագիր է ստացել։

VEON Ltd հեռահաղորդակցական և ինտերնետ ծառայությունների ոլորտի համաշխարհային փրովայդերը 2020թ.–ի հոկտեմբերի 29–ին հայտարարեց, որ Team ընկերության հետ համաձայնագիր է կնքել «ՎԵՈՆ Արմենիա» ՓԲԸ–ի (ապրանքանիշը` Beeline) հայկական դուստր ընկերության վաճառքի մասին։ 2020թ.–ի նոյեմբերի 16–ին ընկերությունը հայտնեց, որ «ՎԵՈՆ Արմենիան» ստացել է նոր իրավաբանական անվանում` «Տելեկոմ Արմենիա» ՓԲԸ։ Ընկերությունը դեռ կշարունակի հանդես գալ և ծառայություններ մատուցել Beeline ապրանքանիշի ներքո։–0– 

Ծանոթացեք լուրերին առաջինն ու քննարկեք դրանք մեր Telegram-ում

23:31 08.09.2021