Գեյթսը նշել է, թե ինչ սմարթֆոն է օգտագործում

ԵՐԵՎԱՆ, 13 հունվարի. /ԱՌԿԱ/. 67-ամյա միլիարդատեր և բարերար Բիլ Գեյթսը Reddit ֆորումի մասնակիցների հետ շփման ժամանակ ասել է, որ փոխել է իր Samsung Galaxy Z Fold 3 սմարթֆոնը, որը նախորդ տարի օգտագործել է որպես հիմնական հեռախոս։ Այս մասին հայտնում է ixbt.com-ը։

Microsoft-ի համահիմնադիրը հաստատել է, որ այժմ նա օգտագործում է Samsung Galaxy Z Fold 4 սմարթֆոնը, որն իրեն անձամբ է նվիրել Samsung-ի նախագահ Լի Ջե Յոնգը Հարավային Կորեայում։

«Ես ունեմ Samsung Fold 4, որը Samsung-ի նախագահ Լի Ջե Յանգը անձամբ է նվիրել ինձ Հարավային Կորեայում: Ես դրանով օգտվում եմ Outlook–ից և Microsoft–ի տարբեր ծրագրեր: Էկրանի չափը նշանակում է, որ ես պլանշետ չեմ օգտագործում, այլ միայն հեռախոս և Windows–ով դյուրակիր համակարգիչ»,- ասել է Գեյթսը։

Նրան նաև հարցրել են, թե գիտի՞ արդյոք Surface Duo-ի հետ կապված Microsoft-ի պլանների մասին, սակայն Գեյթսը բացասական պատասխան է տվել։ Նա նաև նշել է, որ օգտագործում է Surface Studio-ն` որպես համակարգիչ, և նրա գրասենյակում կան Surface Hub–ի բազմաթիվ սսրքեր:-0-

Ծանոթացեք լուրերին առաջինն ու քննարկեք դրանք մեր Telegram-ում

14:32 13.01.2023