Հոկտեմբերի 2-4-ը Հայաստանում կանցկացվի Hackathon` նվիրված համակարգչային և բջջային խաղերի նախագծմանը
ԵՐԵՎԱՆ, 28 սեպտեմբերի. /ԱՌԿԱ/. Համակարգչային և բջջային խաղերի նախագծման Hackathon կանցկացվի Երևանում հոկտեմբերի 2-4-ը, հայտնում է Ինֆորմացիոն տեխնոլոգիաների ձեռնարկությունների միության (UITE) Facebook–ի էջը։
Մրցույթին կարող են մասնակցել բոլոր նրանք, ովքեր ունեն ծրագրավորման գիտելիքներ, նկարելու ունակություն, անիմատոր են, կարող են երաժշտական լուծում տալ խաղերի։
Hackathon–ի նպատակն է նախագծել 2D խաղ, թիմով կամ անհատական, ընդ որում` խաղերը կարող են նախագծվել պարզ եղանակներով, օրինակ` ինչպես Flappy Bird, Timberman խաղերը։
Դիմող անհատներից կձևավորվեն թիմեր:Նախատեսվում է, որ Hackathon–ի ամբողջ ընթացքին ներկա կլինեն խաղային ոլորտի տարբեր մասնագետներ, ովքեր խաղերին առնչվող խորհրդատվություն կտան թիմերին:
Գրանցումը բաց է մինչև սեպտեմբերի 29-ը, իսկ արդեն 30-ին կանցկացվի սեմինար բոլոր հետաքրքրված մարդկանց համար։
Hackathon–ի արդյունքները կհայտարարեն Digitec Expo ցուցահանդեսի ընթացքում, որն անցկացվելու է Երևանում հոկտեմբերի 2-ից 4-ը։ Նախատեսվում է, որ հոկտեմբերի 4 -ին այցելուները հնարավորություն կունենան խաղալու և ընտրելու լավագույններին, ովքեր կարժանանան մրցանակների: -0-
Ծանոթացեք լուրերին առաջինն ու քննարկեք դրանք մեր Telegram-ում
20:24 28.09.2015