ՄՏՍ-ը հայտարարել է կիպրական ընկերությանը Վիվա-ՄՏՍ-ի վաճառքի գործարքի փակման մասին

ԵՐԵՎԱՆ, 24 հունվարի․/ԱՌԿԱ/․ ՄՏՍ-ը հայտարարել է Հայաստանում իր դուստր ընկերության բաժնետոմսերի 100%-ը կիպրական Fedilco Group Limited ընկերությանը վաճառելու գործարքի ավարտի մասին։

««ՄՏՍ» ընկերությունը հայտարարում է Հայաստանի Հանրապետությունում իր դուստր ձեռնարկության՝ «ՄՏՍ Արմենիա» ՓԲԸ-ի (ապրանքանիշը՝ Վիվա-ՄՏՍ) 100% բաժնետոմսերը Fedilco Group Limited»-ին (Կիպրոսի Հանրապետություն) վաճառքի գործարքի փակման մասին»,- նշվում է ՄՏՍ-ի մամուլի ծառայության հաղորդագրության մեջ, որը հրապարակում են ռուսական լրատվամիջոցները։
Հաղորդագրության մեջ նշվում է, որ գործարքի մեջ ներառվել է նաև MobiDram վճարային համակարգը, որը ֆինանսական ծառայություններ է մատուցում հայաստանյան շուկայում, այն MTS Armenia-ի 100%-անոց դուստր ընկերությունն է։ Գործարքի գումարի մասին տեղեկություն չի հրապարակվում։

ՄՏՍ-ը հայտնել է, որ ստացվել են գործարքի համար անհրաժեշտ բոլոր կորպորատիվ հաստատումները, ինչպես նաև Հայաստանի Հանրապետության կարգավորող մարմինների թույլտվությունները։

Հայկական կարգավորող մարմնի որոշման մասին

Նախորդ շաբաթ՝ հունվարի 17–ին, Հանրային ծառայությունները կարգավորող հանձնաժողովը (ՀԾԿՀ) մերժել է «ՄՏՍ» ռուսական ընկերության հայկական «դուստրի»՝ «ՄՏՍ Հայաստան» ընկերության հայտը (ապրանքանիշը՝ Viva-MTS) ներքին վերակառուցվածքայնացում կատարելու հայտը։

Որոշումը հիմնավորվում է նրանով, որ այս պահին իրականացվում է Fedilco Group Limited կիպրական ընկերությանը «ՄՏՍ Հայաստան»–ի 100% բաժնետոմսերի վաճառքի գործընթացը, որը պատկանում է Aramayo Investments Limited–ին (գրանցված է Կիպրոսում, ներառված է ՄՏՍ խմբում)։

2023 թվականի նոյեմբերի 15-ին ՀԾԿՀ-ն հավանություն է տվել «ՄՏՍ Հայաստան» 100% բաժնետոմսերը Fedilco Group Limited կիպրական ընկերության վերահսկողությանը փոխանցելու հայտը։ Նշվում էր, որ ՀՀ բարձր տեխնոլոգիաների արդյունաբերության նախարարությունն ու ՀՀ ԱԱԾ–ն չունեն առարկություններ այս գործարքի շուրջ։

Fedilco–ի նմանատի հայտը ՀԾԿՀ–ի կողմից մերժվել էր 2023թ․–ի ապրիլին։ Այն ժամանակ որպես պատճառ նշվել էր առարկությունը ԱԱԾ–ի կողմից։

ՄՏՍ–Հայաստանի մասին

MTS Armenia–ն (ապրանքանիշը՝ Viva-MTS, ռուսական МТС–ի դուստր օպերատոր) առաջատարներից է նորարարությունների ոլորտում և օգտագործում է ոլորտային բոլոր լուծումները։

МТС–ը Ռուսաստանի և ԱՊՀ երկրների կապի խոշորագույն օպերատորն է։ Դուստր ընկերությունների հետ միասին կազմակերպությունը սպասարկում է շուրջ 88մլն բաժանորդ Ռուսաստանում, Հայաստանում և Բելառուսում։-0-

Ծանոթացեք լուրերին առաջինն ու քննարկեք դրանք մեր Telegram-ում

15:35 24.01.2024