Samsung Galaxy S4–ը լավագույն սմարթֆոն է ճանաչվել

ԵՐԵՎԱՆ, 22 մայիսի. /ԱՌԿԱ/. Ըստ թեստերի` Samsung Galaxy S4–ը լավագույն սմարթֆոն է ճանաչվել Consumer Reports ճանաչված ամերիկյան վեբ կայքի կողմից, գրում է cnews.ru–ն։

«Galaxy S4–ը լավագույն արդյունքներն է ցույց տվել ամենակարևոր թեստերում, ներառյալ տեսախցիկի թեստը»,– հայտնել են Consumer Reports–ի ներկայացուցիչները։

Խմբագիրները նշել են Full HD- լուծումով Galaxy S4–ի 5 դյույմանոց մեծ էկրանը, որը կարող է աշխատել նաև ձեռնոցով հպման ժամանակ, «իրական» բազմաֆունկցիոնալությունը. երբ էկրանը հնարավոր է բաժանել երկու մասի և միաժամանակ երկու հավելված գործարկել և տարբեր ապրանքանիշի հեռուստացույցներ ղեկավարել` ԻԿ–հաղորդիչի առկայության շնորհիվ։

Բացի այդ, Consumer Reports–ից հաստատում են, որ Galaxy S4–ը պարունակում է լավագույն տեսախցիկներից մեկը` բարձր գնահատելով լուսանկարների որակը։

Միաժամանակ մասնագետները նշել են տեսանյութի նկարահանման, ձայնային զանգերի ոչ այնքան բարձր որակը և ավտոնոմ աշխատանքի ոչ մեծ ժամանակը։

Պատմելով սմարթֆոնի ուժեղ կողմերի մասին` մասնագետներ նշել են. չնայած գործողությունների մեծ թվի առկայությանը, սարքից օգտվելը դժվար չէ։ Բացի այդ, օգտատերերը կարող են ակտիվացնել Easy Mode ռեժիմը, որտեղ սմարթֆոնը կվերածվի առավել հասկանալի բջջային հեռախոսի։

Consumer Reports–ի վարկածով սմարթֆոնների թոփ–5-ը`

Samsung Galaxy S4
LG Optimus G
HTC One
Samsung Galaxy S3
Apple iPhone 5

Ավելի վաղ մի քանի ամիս շարունակ առաջին տեղը զբաղեցնում էր LG Optimus G սմարթֆոնը, ընդգծել են Consumer Reports–ից։ –0–

Ծանոթացեք լուրերին առաջինն ու քննարկեք դրանք մեր Telegram-ում

14:36 22.05.2013