ՌԴ–ի բջջային հեռախոսների և սմարթֆոնների շուկան, վերլուծաբանների գնահատականների համաձայն, 2013թ.–ի I կիսամյակում աճել է 12%–ով` մինչև 95.9 մլրդ ռուբլի
ԵՐԵՎԱՆ, 10 հուլիսի. /ԱՌԿԱ/. ՌԴ–ի բջջային հեռախոսների և սմարթֆոնների շուկան 2013 թվականի առաջին եռամսյակում դրամական արտահայտմամբ աճել է 12 տոկոսով` 2012 թվականի նույն ժամանակահատվածի համեմատ և հասել 95.9 մլրդ ռուբլու։ Ինչպես գրում է РБК–ն, այս մասին նշվում է «Եվրոսետ» ռուսական ռիթեյլերի հետազոտությունում։
Միաժամանակ, վաճառքի միջին գինն աճել է 21 տոկոսով` 2012 թվականի առաջին կիսամյակի համեմատ և կազմել 5.6 հազար ռուբլի։ Ֆիզիկական արտահայտմամբ 2013 թվականի առաջին կիսամյակում ռուսական շուկայում վաճառվել է մոտ 17.3 մլն բջջային հեռախոս և սմարթֆոն, ինչը 7 տոկոսով շատ է 2012 թվականի նույն ժամանակահատվածի համեմատ։
Սմարթֆոնների բաժնեմասը շուկայի ընդհանուր վաճառքներում 2013 թվականի առաջին կիսամյակում կազմում էր 42 տոկոս և 79 տոկոս հասույթի տեսքով, համապատասխանաբար, 30 և 55 տոկոսի դիմաց 2012 թվականի առաջին կիսամյակում։ «Եվրոսետի» վերլուծաբանների գնահատմամբ, սմարթֆոնների շուկան հաշվետու ժամանակահատվածում հասել է 7.3 մլն հատի և 76 մլրդ ռուբլի հասույթի (աճը, համապատասխանաբար, 43 և 42% 2012 թվականի առաջին կիսամյակի համեմատ)։ Շուկայում իրացված սմարթֆոնի միջին գինը գործնականում դադարել է կրճատվել և կազմել է 10.4 հազար ռուբլի` 2012 թվականի առաջին կիսամյակի 10.5 ռուբլու դիմաց։
Միաժամանակ ինչպես գտնում են վերլուծաբանները, բջջային հեռախոսների շուկան շարունակում է փոքրանալ։ 2013 թվականի առաջին կիսամյակում հատվածում վաճառվել է 10 մլն հատ բջջային հեռախոս (կրճատումը` 26,5%) 2 հազար ռուբլի միջին գնով։ Հաշվետու ժամանակահատվածում բջջային հեռախոսների վաճառքից ստացված հասույթն ընկել է 37.4 տոկոսով` մինչև 19.9 մլրդ ռուբլի։
«Եվրոսետի» գնահատականով, 2013 թվականի առաջին կիսամյակում շուկայում վաճառվել է 2.6 մլն պլանշետ, ինչը 3.4 անգամ ավելի է 2012 թվականի նույն ցուցանիշից։
2013 թվականի առաջին կիսամյակի արդյունքներով շուկայում վաճառվել է 3.2 մլն բջջային համակարգիչ 18.4 հազար ռուբլի միջին գնով։ Դրանց վաճառքից ստացված հասույթը հաշվետու ժամանակահատվածում հասել է 58.4 մլրդ ռուբլու։ Այսպիսով, շուկան քանակային առումով կրճատվել է 6 տոկոսով և 13 տոկոսով` դրամական արտահայտմամբ։ Հետազոտության համաձայն, արագ է զարգանում ուլտրաբարակ բջջային համակարգիչների հատվածը` 2013 թվականի առաջին կիսամյակում այն զբաղեցրել է շուկայի 5 տոկոսը քանակային արտահայտմամբ և 9 տոկոսը` դրամական արտահայտմամբ (համապատասխանաբար, 1 և 3% մեկ տարի առաջ)։ Նեթբուքների հատվածը քանակային տեսանկյունից կրճատվել է մինչև 11 տոկոսով և հասույթի մասով` 5 տոկոսով։ -0-
Ծանոթացեք լուրերին առաջինն ու քննարկեք դրանք մեր Telegram-ում
18:09 10.07.2013