Պրեմիերաներ «Հուսո առագաստ-2017» փառատոնում. Beeline-ը և «Սիվիլ Արտ»-ն ամփոփում են արդյունքները
ԵՐԵՎԱՆ, 7 օգոստոսի. /ԱՌԿԱ/. «Հուսո առագաստ-2017» հեղինակային երգի միջազգային փառատոնն է կայացել «ԱրմենՏել» ՓԲԸ–ի (Beeline ապրանքանիշ) աջակցությամբ։
«Սիվիլ Արտ» մշակութային հասարակական կազմակերպության «Հուսո առագաստ» երգի փառատոնն այս տարի տեղի ունեցավ հուլիսի 14-16-ը Սևանի «Վիշապ» լողափում:
Փառատոնի ընթացքում տեղի են ունեցել տասնյակից ավելի երգերի պրեմիերաներ, հայտնում է հեռահաղորդակցային օպերատորի մամուլի ծառայությունը։
Երիտասարդ երգահաններից բացի, նոր ստեղծագործություններ ներկայացրին հայտնի բարդեր Ռուբեն Հախվերդյանն ու Արմեն Ադամյանը: Շուրջ 100 մասնակիցներից 10-ը սկսնակ հեղինակային կատարողներ էին: Սակայն այդ պատասխանատու պահին նրանք միայնակ չէին. յուրաքանչյուր մասնակցի հետ անցկացվում էին վարպետության դասեր փորձառու բարդերի ղեկավարությամբ:
Բացի այդ, այս տարի առաջին անգամ բացի հայ հեղինակներից, Սևանի ափին հանդես եկան բարդեր Ռուսաստանից, Ուկրաինայից և Վրաստանից, ինչը թույլ տվեց հայ հանդիսատեսին և բարդերին ևս մեկ անգամ վայելել արտասահմանյան բարդը:
«Շատ հաճելի է տեսնել և մասնակից լինել երիտասարդների զարգացմանն ու մասնագիտական կայացմանը: Արվեստն այն ոլորտներից է, որը մեր բոլորի կյանքը դարձնում է ավելի լավը, և Beeline-ը հպարտ է իր աջակցությունը տրամադրել նման հրաշալի նախաձեռնությանը», - նշեց Հայաստանում Beeline-ի Գլխավոր տնօրեն Անդրեյ Պյատախինը:
«Այս տարի ոչ միայն փառատոնի աշխարհագրական շրջանակն էր ընդգրկուն, այլև մասնակցել ցանկացողների։ Հայտատուներ ունեինք Արարատի, Սյունիքի, Լոռու, Կոտայքի, Գեղարքունիքի, Արմավիրի, Վայոց Ձորի մարզերից և Երևանից, իսկ հեղինակային երգի սիրահարների պակաս բնավ չզգացվեց նաև այս տարի։ Այնպես որ փառատոնը լիովին հաջողված է 2017 թվականին ևս։ Շնորհակալ եմ բոլոր աջակիցներին, գործընկերներին, առանձնապես՝ Հայաստանում Beeline-ին՝ փառատոնի գլխավոր հովանավորին, մեզ մշտապես սատարելու և մեր կողքին լինելու համար», - նշեց «Սիվիլ Արտ» մշակութային հասարակական կազմակերպության տնօրեն Վախթանգ Հարությունյանը:
Նշենք, որ փառատոնի եզրափակիչ փուլի համերգին ներկա էր 150-ից ավելի հանդիսատես, այդ թվում և Գյումրու ու Վանաձորի մանկատների սաներ։ Փառատոնի գլխավոր հովանավորն է Beeline-ը:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-
Ծանոթացեք լուրերին առաջինն ու քննարկեք դրանք մեր Telegram-ում
16:19 07.08.2017
