«Սևան Ստարտափ Սամմիթ 2017-ը»`Beeline-ի աջակցությամբ
ԵՐԵՎԱՆ, 18 հուլիսի. /ԱՌԿԱ/. «Ստարտափ Արմենիա» հիմնադրամի երկրորդ ամենամյա «Սևան Ստարտափ Սամմիթ 2017» բիզնես ֆորումը, որը կանցկացվի «ԱրմենՏել» ՓԲԸ–ի (ապրանքանիշը` Beeline) աջակցությամբ։
Ֆորումը կանցկացվի հուլիսի 24–ից 31–ը Սևանի ափին` ճամբարային պայմաններում։
Beeline–ի մամուլի հաղորդագրության համաձայն, ֆորումին ներկա կլինի շուրջ 1000 մասնակից, այդ թվում՝ ստարտափների և ծրագրավորողների 100 թիմ, ներդրողներ, վենչուրային կազմակերպություններ և մենթորներ։ Միջոցառման գլխավոր նպատակներից են ստարտափների համար նոր համագործակցության ուղիներ ստեղծելն ու փորձի փոխանակման հարթակ ապահովելը։
7 օրվա ընթացքում տեղի կունենան մրցույթներ, պրեզենտացիաներ և ժամանցային միջոցառումներ։ Այս տարվա սամմիթի առանձնահատկությունը կդառնա նոր և կայացած ստարտափների համար նախատեսված «CampFire Pitch» միջոցառումը, որին կմասնակցեն շուրջ 20 ներդրողներ։
«Beeline-ն իր առաքելությունն է համարում օժանդակել ստարտափների և նորարար տեխնոլոգիաների զարգացմանը Հայաստանում, իսկ այս սամմիթի աջակցությունը թույլ է տալիս անել այդ երկու գործը միաժամանակ։ Մենք ուրախ ենք այս տարի լինել այս հրաշալի նախաձեռնության աջակիցը, ինչպես նաև բարձրորակ ինտերնետ կապ տրամադրել ֆորումի մասնակիցներին։ Վստահ եմ, որ դրական փորձի փոխանակումն ու պոտենցիալ ներդրողների հետ հանդիպումը կոգեշնչի համաժողովի մասնակիցներին։ Համոզված եմ նաև, որ նմանատիպ միջոցառումները միայն դրական ազդեցություն են ունենում Հայաստանի տնտեսության վրա՝ փոխելով կյանքը երկրում դեպի լավը», - ասել է Հայաստանում Beeline-ի գլխավոր տնօրեն Անդրեյ Պյատախինը:
«Մենք շատ ուրախ ենք, որ Հայաստանում ամենաարագ զարգացող ոլորտներից մեկի՝ ՏՏ, առաջատար կազմակերպություններից մեկը միացել է սամմիթին։ Մենք վստահ ենք, որ այս համագործակցությունը կնպաստի սամմիթի էլ ավելի լավ անցկացմանը, որը իր հերթին կնպաստի հայկական ստարտափ էկոհամակարգի զարգացմանը։ Հայաստանում Beeline-ը միշտ աչքի է ընկել հայկական ծրագրերի հովանավորմամբ և համագործակցությունը «Սևան Ստարտափ Սամմիթ»-ի հետ դրա վառ ապացույցն է», - նշել է «Ստարտափ Արմենիա» հիմնադրամի տնօրեն Տիգրան Պետրոսյանը։
Beeline-ը «Սևան Ստարտափ Սամմիթ 2017» բիզնես ֆորումի գլխավոր աջակիցն է։
«Ստարտափ Արմենիա» հիմնադրամը հիմնադրվել է 2016 թվականի մարտ ամսին մի խումբ նախաձեռնող երիտասարդների կողմից, ովքեր նախկինում հեղինակել և մինչ օրս հաջողում են մի շարք ստարտափներ: Հիմնադրամի նպատակը հայկական ստարտափներին օժանդակելն է պարբերաբար միջոցառումներ կազմակերպելով: Հենց այս նպատակը հետապնդելով էլ 2016 թվականի ամառվանից սկսած «Ստարտափ Արմենիա» հիմնադրամի ջանքերով անցկացվում է ամենամյա «Սևան Ստարտափ Սամիթը», որն իր կատարողական ձևաչափով առաջին վրանային ստարտափ համաժողովն է աշխարհում: Տարին տարվա վրա ավելանում են Սամիթին մասնակիցների և ստարտափ թիմերի կազմերը, դրամական խոշոր մրցանակային ֆոնդերով անցկացվում են տարբեր նոմինացիոն մրցույթներ:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-
Ծանոթացեք լուրերին առաջինն ու քննարկեք դրանք մեր Telegram-ում
15:29 18.07.2017