Նոր 4G օպերատորը պատրաստվում է նվաճել Մոսկվան
ԵՐԵՎԱՆ, 14 մայիսի. /ԱՌԿԱ/. «Օսնովա Տելեկոմ» ընկերությունը Մոսկվայում LTE-ցանցի կառուցման ցանցային սարքավորումների մատակարարների ընտրության մրցույթ է հայտարարել, Cnews–ին է պատմել ընկերության ներկայացուցիչը։ Մրցույթին մասնակցում են հինգ արտադրողներ` Alatel-Lucent, Huawei, ZTE, Nokia-Siemens Networks և Ericsson ընկերությունները։
Արտադրողը մեկն է լինելու։ Այն պետք է մատակարարի 2.5 հազար բազային կայաններ։ Կայանների այդ թիվը պետք է բավարարի մայրաքաղաքի որակյալ ծածկույթ երաշխավորված արագությամբ և կայուն կապով, վստահ է ընկերության ներկայացուցիչը։ Ցանցի թեստային շահագործումը նշանակված է 2013 թվականի վերջին, իսկ կոմերցիոնը` հաջորդի սկզբին, հաղորդում է cnews.ru–ն։
«Օսնովա Տելեկոմը» 75 տոկոսով պատկանում է Վիտալի Յուսուֆովի «Այկոմինվոստ» հոլդինգին, 25 տոկոսով` պետական «Վոենտելեկոմին»։ Պաշտպանության նախկին նախարար Անատոլի Սերդյուկովի աջակցության շնորհիվ ընկերությունն արտամրցութային կարգով 2,3 – 2,4 ԳՀց միջակայքի LTE-հաճախականություններ է ստացել։ Ընդ որում` ընկերությունը ստացել է 100 ՄՀց լայնության ողջ միջակայքը (բացառությամբ 40 մարզերի, որտեղ ընկերությունը պետք է «Ռոստելեկոմին» զիջի յուրաքանչյուրը շուրջ 30 ՄՀց լայնության գծերը)։
Ավելի վաղ ընկերությունը հայտնել էր, որ չի պատրաստվում մտնել Մոսկվա, որտեղ անլար ինտերնետ հասանելիության շուկան հիմնականում արդեն բաժանված է, և կկենտրոնանա բնակչության միջին թվով քաղաքների վրա։ «Օսնովա Տելեկոմն» արդեն ցանցեր է կառուցում 40 երկրներում` ներառյալ Սարանսկը (Մորդովիայի Հանրապետություն), Ուլյանովսկը, Իվանովոն, Տոլյատին (Սամարայի մարզ), Օրենբուրգը, Տուլան, Յարոսլավլը, Տվերը, Կալուգան, Կալինինգրադը, Սմոլենսկը, Ստավրոպոլը, Օրյոլը և Բելգորոդը։
Ցանցերի թեստային գործարկումն այդ քաղաքներում ծրագրված է 2013 թվականի ամռանը։ Ավելի վաղ այդ քաղաքներին 2 հազար բազային կայանների մատակարարման մրցույթը հաղթել են երկու արտադրողներ` Alcatel-Lucent և Huawei–ն։ Բայց բազային կայանների նշված թիվը չի բավարարի բոլոր վերոնշյալ քաղաքների ծածկույթն ապահովելու համար, այդ պատճառով էլ ծրագրվում է ևս մեկ մրցույթ հայտարարել։ -0-
Ծանոթացեք լուրերին առաջինն ու քննարկեք դրանք մեր Telegram-ում
11:18 14.05.2013