Անցած շաբաթվա 50,000-րդ միջազգային զանգը ստացած Orange բաժանորդը կմեկնի Վրաստան
ԵՐԵՎԱՆ, 31 հուլիսի. /ԱՌԿԱ/. Հայտնի է դարձել Orange–ի այն բաժանորդը, ով ստացել էր հուլիսի 22-ից 28-ն ընկած ժամանակահատվածի 50,000-րդ միջազգային հեռախոսազանգը:
Ընկերությունից տեղեկացնում են, որ նա Երևանում բնակվող Ռուդիկ Գաբայանն է, ում զանգահարել էր իր մորաքրոջ տղան Վրաստանից: Այսօր Orange-ի գրասենյակում Ռուդիկը ստացավ առաջիկա ամռան ընթացքում Վրաստան մեկնելու ուղևորության հավաստագիր:
«Այսօր մենք ամփոփում ենք այս յուրահատուկ առաջարկի վերջին շաբաթը: Ռուդիկը տասներկուերորդ բաժանորդն է, ով Orange-ից անակնկալ ճամփորդության հավաստագիր է ստանում՝ պարզապես միջազգային զանգ ընդունելու համար: Շնորհավորում ենք Ռուդիկին, հուսով ենք, որ անակնկալը ստացվեց, և նրա համար իսկապես սպասված նվեր էր այս ճամփորդությունը», ասաց Օրանժ Արմենիայի Մարքեթինգի տնօրեն Արամ Մկրտչյանը:
Ընկերությունից հիշեցնում են, որ մինչև հուլիսի 28-ը ամեն շաբաթ Orange-ի այն բաժանորդը, ով ստացել էր առնվազն 1 րոպե տևողությամբ 50,000-րդ միջազգային զանգը, ստանում էր օդանավի մեկ տոմս դեպի այն երկիրը, որտեղից ստացել էր այդ հեռախոսազանգը: Հաջողակ բաժանորդները կկարողանան իրականացնել իրենց ճամփորդությունն առաջիկա ամռան ընթացքում` իրենց նախընտրած ժամանակահատվածում:
«Orange Armenia» - ն France Telecom (Orange ապրանքանիշ) 100–տոկոսանոց դուստրն է, հայկական շուկա է դուրս եկել 2009 թվականի նոյեմբերի 5–ին` ապահովելով ցանցի 95–տոկոսանոց ծածկույթ և բջջային ու ինտերնետ կապ հանրապետության 600 համայնքներում։ --0 -
Ծանոթացեք լուրերին առաջինն ու քննարկեք դրանք մեր Telegram-ում
15:38 31.07.2013