Վիվա-ՄՏՍ-ի ցանցում ինտերնետ թրաֆիկը Նոր տարվա նախօրեին ու առաջին օրը տարեկան կտրվածքով աճել է 53%–ով

ԵՐԵՎԱՆ, 22 հունվարի․/ԱՌԿԱ/․ Ամանորի նախաշեմին` 2023թ. դեկտեմբերի 31-ին (մինչև կեսգիշեր) և 2024թ. հունվարի 1-ին, Վիվա-ՄՏՍ-ի բջջային ցանցում բաժանորդների կողմից օգտագործված ինտերնետ թրաֆիկի ծավալն արձանագրել է 53 տոկոս աճ՝ նախորդ տարվա նույն ժամանակահատվածի համեմատ, հաղորդում է Վիվա–ՄՏՍ ընկերության մամուլի ծառայությունը:

 

Ինտերնետից օգտվելիս` Վիվա-ՄՏՍ-ի 4G/LTE ցանցին միանալու արդյունքում՝ գրանցվել է LTE թրաֆիկի ավելի քան 58 տոկոս աճ՝ նախորդ տարվա նույն ժամանակահատվածի համեմատությամբ: Ըստ այդմ՝ Երևանում արձանագրվել է LTE թրաֆիկի 67 տոկոս աճ, իսկ մարզերում՝ ավելի քան 51 տոկոս աճ:

 

 

4G/LTE թրաֆիկի մասնաբաժինն ընդհանուր ինտերնետ թրաֆիկում կազմել է 88.5 %:\

Ամանորի նախաշեմին՝ 2023 թվականի դեկտեմբերի 31-ին և 2024թ.-ի հունվարի 1-ին Վիվա-ՄՏՍ-ի ցանցում բաժանորդները խոսել են շուրջ 70․5 մլն րոպե: Ընկերության ցանցը սպասարկել է ավելի քան 42,8 միլիոն զանգ:

 

Նշված օրերին Վիվա-ՄՏՍ-ի ցանցը սպասարկել է ավելի քան 7.1 մլն կարճ հաղորդագրություն:

Տարեցտարի բաժանորդները նախընտրում են տոնական շնորհավորանքները միմյանց ուղղել մեսինջերների միջոցով, և 2023թ. դեկտեմբերի 31-ին (մինչև կեսգիշեր) և 2024թ. հունվարի 1-ին, մեսինջերների միջոցով միմյանց հետ շփվող Վիվա-ՄՏՍ-ի բաժանորդների թիվը նախորդ տարվա նույն ժամանակահատվածի համեմատ աճել է 45%-ով: 

Հայաստանի հեռահաղորդակցության ոլորտում 2023 թ-ը նշանավորվեց առաջին անգամ 5G ցանցի կոմերցիոն ներդրումով՝ Երևանի փոքր կենտրոնում ու Գյումրիում: Նաև 2023 թվականի ընթացքում Վիվա-ՄՏՍ-ը կատարել է վերազինման լայնամասշտաբ աշխատանքներ՝ ուղղված 4G/LTE ցանցի արդիականացմանը: 2023-ի վերջի դրությամբ Վիվա-ՄՏՍ-ի կողմից կառուցվել է 4G/4G+ տեխնոլոգիայով գործող՝ ավելի քան 170 բազային կայան: Արդյունքում՝ 4G/4G+ ծածկույթը հասանելի է դարձել բնակչության 99.6%-ին:

2023-ին Վիվա-ՄՏՍ-ը կոմերցիոն հիմունքներով գործարկել է նորարարական VoLTE և Wi-Fi Calling ծառայություններ: 

Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am:–0–

Ծանոթացեք լուրերին առաջինն ու քննարկեք դրանք մեր Telegram-ում

13:52 22.01.2024