Հայաստանի բուհերին անհրաժեշտ են ծրագրավորման մասնագիտացած դիսցիպլիններ. փորձագետ

ԴԻԼԻՋԱՆ, 16 նոյեմբերի. /ԱՌԿԱ/. Հայաստանին հարկավոր են նեղ մասնագիտական դիսցիպլիններ համալսարաններում ծրագրավորման ոլորտում, «ԱՌԿԱ» գործակալությանը տված հարցազրույցում ասաց Թել Ավիվի StarTAU համալսարանի նորարարական ձեռներեցության զարգացման կենտրոնի գործադիր տնօրեն Ելենա Դոնեցը Դիլիջանում կազմակերպված նորարարական բիզնես–համաժողովի շրջանակում։

Դոնեցը նշեց, որ այցելել է մի շարք հայկական տեխնիկական բուհեր, սակայն այնտեղ չեն պատրաստում նեղ մասնագետներ ծրագրավորման հետ կապված դիսցիպլիններում։ «Միաժամանակ հայկական բուհերում շարունակում են շեշտադրում անել այն մասնագիտությունների վրա, որոնք Հայաստանում ունեն զարգացման սահմանափակ ներուժ», – ասաց իսրայելցի փորձագետը։

Նրա կարծիքով` հետազոտական գործունեությունը պետք է իրականացվի հենց ուսումնական հաստատությունների կողմից, իսկ ինչ վերաբերում է startup-երին, ապա դրանք պետք է իրականացվեն տեղական ընկերությունների շրջանակում։

 «Լինել ծրագրովորող չի նշանակում կարողանալ ստեղծել միայն վեբ–կայք։ Ծրագրավորողը պետք է կարողանա ստեղծել լուրջ ծրագրեր։ Դա անհնար է սովորել ինքնուրույն, դա սովորում են համալսարանում», – ավելացրեց նա։

Դոնեցի կարծիքով`Հայաստանը շատ նման է Իսրայելին և՛ ռեսուրսների ապահովման, և՛ թշնամական շրջապատի տեսակետից։ «Այդ պատճառով այստեղ, ինչպես նաև Իսրայելում, շատ մեծ է ծրագրավորման ապահովման մշակման ներուժը», – նշեց նա։

Դոնեցը նաև ընդգծեց, որ ձեռներեցության կառուցվածքի մշակման համար անհրաժեշտ են սկզբնական ներդրումներ պետության կողմից, միաժամանակ ներդրված միջոցների վերադարձելիությունն ակնթարթային չի լինելու։

«Շատ դժվար կլինի գտնել նոր միջոցներ` առանց շոշափելի վերադարձելիության, այդ պատճառով առաջին ներդրումը պետք է կատարի պետությունը։ Եթե պետությունը նման միջոցներ չունի, ապա բիզնեսը ևս կարող է ներդրումներ կատարել։ Ամեն դեպքում, անհրաժեշտ է գործարկել գործընթացը, որպեսզի փողերն աշխատեն։ Իսրայելի մոտ հրեական սփյուռքի աջակցությամբ այդ ամենի համար պահանջվեց մոտ 15 տարի», – ասաց նա։

Դիլիջանում նոյեմբերի 14–15–ի կազմակերպված Նորարարական բիզնես–համաժողովը լավագույն հարթակն է հարցերի համակողմանի քննարկման և նոր գաղափարների ներկայացման համար` շահագրգիռ կողմերի մասնակցությամբ։

Համաժողովին մասնակցել են տեղական և օտարերկրացի գործարարներ, բիզնես–միավորումների և ասոցիացիաների, պետական կառավարման մարմինների, խորհրդատվական ընկերությունների, կրթական հաստատությունների ներկայացուցիչներ, դիվանագետներ։ –0–

Ծանոթացեք լուրերին առաջինն ու քննարկեք դրանք մեր Telegram-ում

13:11 16.11.2015