Մարկ Ցուկերբերգը երկրորդ անգամ հայր է դառնալու
ԵՐԵՎԱՆ, 10 մարտի. /ԱՌԿԱ/. Facebook–ի հիմնադիր Մարկ Ցուկերբերգը կրկին հայրիկ է դառնալու։
Այս մասին նա հայտնել է Facebook–յան իր էջում։
«Պրիսցիլան և ես երջանիկ ենք հայտնելու, որ կրկին դուստր ենք ունենալու։ Մաքսի ծննդյան հետ կապված դժվարություններից հետո վստահ չէինք, որ կկարողանանք ևս մեկ երեխա ունենալ։ Երբ իմացանք, որ Պրիսցիլլան կրկին հղի է, մեր միակ ցանկությունն է այն, որ երեխան առողջ լինի։ Ես նաև հուսով էի, որ կրկին դուստր կունենամ», – գրել է Ցուկերբերգը` նշելով, որ նա մեծ պարգև է համարում քույր ունենալը և երջանիկ է, որ Մաքսը քույրիկ է ունենալու։
Ցուկերբերգի և Պրիսցիլլայի առաջնեկը` Մաքսը, ծնվել է 2015 թ.–ի դեկտեմբերի 2–ին։–0–
Ծանոթացեք լուրերին առաջինն ու քննարկեք դրանք մեր Telegram-ում
11:18 10.03.2017
