Ռոստելեկոմը երեխաներին տոնական տրամարդրություն պարգևեց
ԵՐԵՎԱՆ, 27 դեկտեմբերի. /ԱՌԿԱ/. «Ռոստելեկոմը» Ամանորյա անակնկալներ է մատուցում ոչ միայն իր բաժանորդների երեխաներին, այլ նաև մի շարք կառույցների սաներին ու շահառուներին, հաղորդում է ընկերության մամուլի ծառայությունը։
Մասնավորապես, դեկտեմբերի 21-ին «Ռոստելեկոմը» ՍՈԱՐ-Հայաստան բարեգործական ընկերության հետ համատեղ ուրախություն պարգևեց և տոնի վերածեց 2-13 տարեկան հարյուր երեխաների օրը։ Երեխաներն այցելեցին կինոթատրոն, մասնակցեցին հյուրասիրության և ստացան քաղցրավենիքներ ու խաղալիքներ սիրելի Ձմեռ պապից։
Երեխաները Շենգավիթ վարչական շրջանի թիվ 141 գիշերօթիկ մսուր-մանկապարտեզի, «Մեր հույս» Նագգաշյան խնամքի կենտրոնի, Երևանի «ԶԱՏԻԿ» երեխաների աջակցության կենտրոնի, Նուբարաշենի թիվ 11 հատուկ մանկատան, «Օրրան» բարեգործական ՀԿ–ի շահառուներն էին։
Դեկտեմբերի 26-ին արդեն Աբովյան քաղաքի երեխաների աջակցության կենտրոնի սաների կողմից կազմակերպված Ամանորյա միջոցառմանը ընկերությունն իր մասնակցությունն ունեցավ՝ տրամադրելով նվերներ անապահով ընտանիքների շուրջ հիսուն երեխաների։
«Ամանորը բոլորի տոնն է և մենք պատասխանատվություն ենք կրում բոլոր երեխաների ժպիտների համար», - նշել է «Ռոստելեկոմի» դուստր ընկերության` «ՋԻԷՆՍԻ-ԱԼՖԱ» ՓԲԸ–ի գլխավոր տնօրեն Հայկ Ֆարամազյանը։
«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։
Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ –0–
Ծանոթացեք լուրերին առաջինն ու քննարկեք դրանք մեր Telegram-ում
18:40 27.12.2016
