ՎիվաՍել-ՄՏՍ-ի և Հայաստանի պետական երիտասարդական նվագախմբի ամանորյա նվերը. Երևանում հանդես եկավ Մարիո Ստեֆանո Պիետրոդարկին

ԵՐԵՎԱՆ, 26 դեկտեմբերի./ԱՌԿԱ/. Հայաստանի պետական երիտասարդական նվագախմբի և ՎիվաՍել-ՄՏՍ-ի կողմից պատրաստած տոնական անակնկալի շրջանակում դեկտեմբերի 25-ին նվագախմբի հետ (գեղարվեստական ղեկավար և գլխավոր դիրիժոր՝ Սերգեյ Սմբատյան) հանդես եկավ իտալացի մեծահամբավ բանդոնեոնահար, ակորդեոնահար, հայ հանդիսատեսի կողմից սիրված ու սպասված Մարիո Ստեֆանո Պիետրոդարկին, հաղորդում է ՎիվաՍել-ՄՏՍ-ի մամուլի ծառայությունը։

Նշենք, որ Երիտասարդական նվագախումբն իր նախագծերը կյանքի է կոչում գլխավոր գործընկեր ՎիվաՍել-ՄՏՍ-ի աջակցությամբ։ Երկու կառույցների բազմամյա համագործակցության արդյունքում հանդիսատեսը վայելել է մեծաթիվ նորարարական նախագծեր, Հայաստանեն ժամանել աշխարհում մեծ ճանաչում ունեցող երաժիշտներ, կայացել են Երիտասարդական նվագախմբի հյուրախաղերը:

ՎիվաՍել-ՄՏՍ-ի աջակցությամբ առցանց հեռարձակվել են կոլեկտիվի համերգները՝ ամբողջ աշխարհին հաղորդակից դարձնելով հայկական կատարողական արվեստին ու ներկայացնելով մեր հարուստ մշակույթը։

«Դասական երաժշտությունը մշտապես աջակցության կարիք ունի։ ՎիվաՍել-ՄՏՍ-ը, քաջ գիտակցելով բարձրարժեք արվեստի նշանակությունը հասարակության կյանքում, նրա դաստիարակչական դերը, անգնահատելի ներդրում է ունենում մշակույթի պահպանման և զարգացման գործում։ ՎիվաՍել-ՄՏՍ-ի շնորհակալ աշխատանքը բարձր է գնահատվում ինչպես մասնագետների, երաժիշտների, այնպես էլ արվեստասեր հանրության կողմից», - ասել է Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։

«Հայաստանի պետական երիտասարդական նվագախմբի հետևողական աշխատանքի արդյունքն ակնհայտ է. ի դեմս նվագախմբի ունենք կատարողական բարձր արվեստ ներկայացնող երաժիշտներ, ում կատարումների նկատմամբ հետաքրքրություն կա ոչ միայն Հայաստանում նրանց մշտական երկրպագուների կողմից, այլև երկրի սահմաններից դուրս: Ուրախ եմ տարիների մեր համագործակցության համար, որի կարևոր ձեռքբերումներից մեկն էլ այն է, որ միջազգային ասպարեզում հասակ առած ու լայն ճանաչում ձեռք բերած երաժիշտ կատարողները հավասարը հավասարի են ընդունում երիտասարդական նվագախմբին՝ նրբաճաշակ հայ երկրպագուների առջևհանդես գալով համատեղ նախաձեռնություններով»,   -ասել է ՎիվաՍել-ՄՏՍ-ի գլխավո րտնօրեն Ռալֆ Յիրիկյանը:

Հայաստանի պետական երիտասարդական նվագախումբը և ՎիվաՍել-ՄՏՍ-ը 2017 թվականն ամփոփում են անսահման զգացմունքային, արտիստիկ ու ինքնատիպ երաժշտի՝ Մարիո Ստեֆանո Պիետրոդարկիի համերգով։ Երաժիշտ, ով հաճախ է հանդես գալիս հայաստանյան բեմում, ում համերգներն ընթանում են լեփ-լեցուն դահլիճներում, չդադարող բիսերով: Երաժիշտ, ով ամեն անգամ նոր, հետաքրքիր ծրագրեր է ներկայացնում մեր ունկնդրին։ Այս անգամ նույնպես Պիետրոդարկին նվագախմբի հետ ներկայացրեց թարմացված երգացանկ։ Երեկոյի ընթացքում հնչեցին արգենտինական տանգոյի արքա Աստոր Պիացոլլայի ստեղծագործություններից։ Հանդիսատեսն ունկնդրեց կոմպոզիտորներ Տոմազո Զիլիանիի, Ռոբերտո դի Մարինոյի, Չեզարե Կիակիարետայի,Կարլոս Գարդելի գործերից։ Համերգի ընթացքում հանդես եկավ նաև մեցո-սոպրանոՍոֆյա Թումանյանը։

Տեղեկացնենք նաև, որ դեկտեմբերի 21-ին ՀՀ կառավարության որոշմամբ Հայաստանի պետական երիտասարդական նվագախումբն անվանափոխվել է և այսուհետև հանդես է գալու որպես Հայաստանի պետական սիմֆոնիկ նվագախումբ։

ՎիվաՍել-ՄՏՍ-ը («ՄՏՍ Հայաստան» ՓԲԸ) Հայաստանում հեռահաղորդակցության առաջատար օպերատորն է, որն ունի ամենահզոր 2G/3.75G/4G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը, հիմնադրման օրվանից` 2005թ. հուլիսի 1-ից, ՎիվաՍել-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: ՎիվաՍել-ՄՏՍ-ը նորարարությունների առաջատարն է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: ՎիվաՍել-ՄՏՍ-ն իր գործունեության մեջ առաջնորդվում է ISO 26000 (Սոցիալական պատասխանատվության միջազգային ստանդարտ) և ISO/IEC 27001:2013 (Տեղեկատվական անվտանգության կառավարման համակարգ) ստանդարտներով: Հավելյալ տեղեկություններ ստանալու համար այցելեք www.mts.am:–0–

Ծանոթացեք լուրերին առաջինն ու քննարկեք դրանք մեր Telegram-ում

14:48 26.12.2017