ՎիվաՍել-ՄՏՍ-ն առաջարկում է նոր գրավիչ ամառային սակագներ ԱՄՆ ռոումինգում
ԵՐԵՎԱՆ, 1 հունիսի./ԱՌԿԱ/. Բջջային կապի օպերատոր ՎիվաՍել-ՄՏՍ-ն իր բաժանորդներին առաջարկում է ԱՄՆ ռոումինգ ծառայությունների նոր գրավիչ սակագներ:
Ընկերության մամլո հաղորդագրության համաձայն, մինչև 2017թ. օգոստոսի 31-ը ԱՄՆ-ում գտնվող բաժանորդները կարող են օգտվել դեպի ՎիվաՍել-ՄՏՍ-ի ցանց հեռախոսազանգերի մեկ րոպե հեռախոսազրույցի համար սահմանված 25 դրամ սակագնից:
Ռոումինգում 1 րոպեի համար 25 դրամ սակագնային պլանը կգործի նաև «Զանգ Հայաստան» ծառայության միջոցով զանգեր կատարելու դեպքում, տեղական ուղղություններով և մուտքային զանգերի դոպքում:
Ելքային 1 SMS-ի արժեքը սահմանվել է 25 դրամ, ինտերնետի համար ևս կգործի մեկ մեգաբիթի համար 25 դրամ սակագինը:
Դեպի Հայաստանի այլ ցանցեր, ինչպես նաև +374 97 և +374 47 ցանցեր հեռախոսազանգի 1 րոպեի արժեքը կկազմի 100 դրամ:
«ՎիվաՍել-ՄՏՍ-ն իր գործունեության առաջին իսկ օրվանից ջանք չի խնայում իր ճանապարհորդող բաժանորդների համար միջազգային ռոումինգի ծառայություններն առավել մատչելի դարձնելու համար: Ուստի՝ ռոումինգի սակագների լավագույն լուծումներն ու առաջարկները միշտ լինելու են ՎիվաՍել-ՄՏՍ-ի գործունեության կարևորագույն ուղղություններից մեկը և շարունակական բնույթ են կրելու», - ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Մանրամասն տեղեկություններ ստանալու համար հաճախորդները կարող են օգտվել www.mts.am կայքից, զանգահարել 111անվճար հեռախոսահամարով, հաղորդակցվել ընկերության հետ «111 օնլայն» պորտալի միջոցով, կամ այցելել ընկերության սպասարկման կենտրոններից որևէ մեկը:
Ընկերության նորություններին կարելի է ծանոթանակ ընկերության ֆեյսբուքյան էջից։
ՎիվաՍել-ՄՏՍ-ը («ՄՏՍ Հայաստան» ՓԲԸ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-
Ծանոթացեք լուրերին առաջինն ու քննարկեք դրանք մեր Telegram-ում
13:54 01.06.2017