Երևանում ավարտվեց «ՎԵՈՆ»-ի գլոբալ դիջիթոնը

ԵՐԵՎԱՆ, 24 նոյեմբերի. /ԱՌԿԱ/. Երևանում ավարտվեց «ՎԵՈՆ» ընկերությունների խմբի առաջին գլոբալ Դիջիթոնը։

Այդ ներքին հեքըթոնին մասնակցել են խմբի ընկերությունների 60 աշխատակիցներ 12 երկրներից, իսկ միջոցառմանը առցանց հետևել են 35 հազար դիտորդներ, հաղորդում է ընկերության մամուլի ծառայությունը։

Դիջիթոնը նորարարությունների մրցույթ է, որը ստեղծված է «հեքըթոն» ձևաչափում նոր թվային պրոդուկտների մշակման նպատակով։ «ՎԵՈՆ» խմբի համար սա փոխգործակցության նոր ձևաչափ է, որտեղ աշխատակիցների ուժերը ուղղված են հաճախորդների համար արդիական լուծումների ստեղծմանը։ Աշխատակիցների ներուժը բացահայտվել է մի քանի փուլով․ սկզբում մրցումներ տեղի ունեցան տեղական ընկերությունների մակարդակով, հետո այդ փուլի հաղթողները մասնակցեցին տարածաշրջանային փուլին (եվրասիական փուլը տեղի ունեցավ այս ամառ՝ Սևանի ափին)։ Եվ վերջապես բոլոր տարածաշրջանների հաղթողները եկան մասնակցելու գլոբալ դիջիթոնին Հայաստանում։

«Այս անգամ մասնակից թիմերը կենտրոնացել էին մեր գլոբալ պրոդուկտի զարգացման վրա։ Տարբեր շուկաների ներկայացուցիչներ՝ բոլորը մեկ տարածությունում միասին մշակում էին լուծումներ, որոնք պետք է զգալիորեն ազդեն սպառողական փորձի վրա։ Ես անհամբեր սպասում եմ, երբ պիտի կյանքի կոչվեն հաղթողների գաղափարները», - նշել է Եվրասիա միավորի գլխավոր գործադիր տնօրեն Միխաիլ Գերչուկը։

«Գլոբալ Դիջիթոնը ավարտվեց, և բոլորի անունից շնորհավորում եմ հաղթողներին։ Թեև սա այն դեպքն է, երբ կարելի է շնորհավորել նաև մասնակիցներին, քանի որ Դիջիթոնը պարզապես մրցույթ չէ՝ սա հանդիպելու, հետաքրքիր ժամանակ անցկացնել և նոր բաներ սովորելու լավ առիթ է։ Վստահ եմ, որ ոչ ֆորմալ մթնոլորտում տարբեր երկրներից գործընկերների հետ շփումը բոլորի համար օգտակար էր։ Իսկ ինչ վերաբերում է մրցումների ժամանակ առաջացած գաղափարներին, ապա կարծում եմ, դրանցից և ոչ մեկը չի կորչի», - նշել է Հայաստանում Beeline-ի գլխավոր տնօրեն Անդրեյ Պյատախինը:

Բուն մրցումները մասնակիցների համար տևել են 24 ժամ։ Այդ ընթացքում թիմերի համար հասանելի են եղել հատուկ մենթորներ, ովքեր օգնում էին գաղափարների իրականացման գործում։

«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «Վեոն» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 235 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում: -0-

Ծանոթացեք լուրերին առաջինն ու քննարկեք դրանք մեր Telegram-ում

17:55 24.11.2017