Ամփոփվել են ArmNet awards մրցույթի արդյունքները

ԵՐԵՎԱՆ, 7 ապրիլի. /ԱՌԿԱ/. ArmNet Awards ՏՏ մրցույթը, որն ավարտվել է Երևանում շաբաթ օրը, անցկացվում է Հայաստանում կանոնավոր կերպով։ Մրցույթի նպատակն է բացահայտել հայ և օտարերկրացի մշակողների կողմից ստեղծված լավագույն նախագծերը և պարգևատրել դրանց հեղինակներին։

Շաբաթ օրը Երևանում մրցույթի շրջանակներում տեղի ունեցավ ArmNet տեղեկատվական տեխնոլոգիաների V միջազգային մրցույթը` «2015 թ.–ի միտումները» թեմայով, որին մասնակցեցին Հայաստանի և Ռուսաստանի ՏՏ ոլորտի մասնագետները։

Բջջային հավելվածները պահանջված են

Կարելի է վստահաբար նշել, որ 2015 թ.–ի հիմնական միտումը բջջային հավելվածներն են, որոնք տարածված են աշխարհի օգտատերերի շրջանում։

Տեղեկատվական անվտանգության փորձագետ Սամվել Մարտիրոսյանը ևս կարծում է, որ 2015 թ.–ին Հայաստանի ՏՏ ոլորտում հիմնական միտումը բջջային հավելվածներն են։ Նրա խոսքերով` Հայաստանում արտադրվող բջջային հավելվածների տոկոսը կտրուկ աճել է։

«Իսկ ինչ վերաբերում է ցանցին, ապա այնտեղ, ընդհակառակը, նկատվում է որոշակի դադար, և ոչ միայն Հայաստանում, այլ նաև ողջ աշխարհում, քանի որ բջջային հավելվածներն առավել արդիական են դառնում։ Հետաքրքիր է, որ ցանցը վեջին ժամանակներում աճ չի գրանցել, բացառությամբ մի բաղադրիչի` էլեկտրոնային կոմերցիայի, որը վերջին տարվա ընթացքում սովորական երևույթ է դարձել», – ասել է Մարտիրոսյանը։     

Հաջող start-up-ի գաղտնիքները

Հաջող start-up-ի գաղտնիքների մասին ՏՏ ոլորտի ամենագլխավոր միջոցառումներից մեկի մասնակիցների հետ զրուցել է MediaRu ընկերության տնօրեն Ալեքս Նոսովը։ Նրա խոսքերով` սեփական start-up ստեղծելու համար անհրաժեշտ չէ ծախսել միլիոններ, դրա համար հարկավոր է գտնել և թիմի կազմում ընդգրկել խելացի և կրթված մարդկանց, ինչը թույլ կտա մոտավորապես մեկ տարում ստեղծել հետաքրքիր և հզոր պրոդուկտ։

Նոսովը նաև ուշադրություն դարձրեց մի կարևոր փաստի ևս, որ ՏՏ մասնագետների աշխատանքում ավելի կարևոր է կարգապահությունը, քան մշակումը։

Շեշտը`պաշտպանության վրա

Panarmenian Media Group–ի ՏՏ տնօրեն Ռուբեն Մուրադյանը հանդես եկավ «Ինչի՞ց պաշտպանել սովորական մարդու անձնական տվյալները 2015 թ.–ին» թեմայով զեկույցով` անդրադառնալով օգտատերերի և սոցցանցերից օգտվողների շրջանում գիտելիքների ցածր մակարդակին։

Խոսելով համացանցում գոյություն ունեցող տարբեր սպառնալիքների մասին` Մուրադյանը, մասնավորապես, նշել է, որ Malicious Browser Extension–ի (խոցելի հարթակ, որը ենթարկվում է հաքերական գրոհների) հիմնական նպատակներն են սոցիալական ցանցերը, էլեկտրոնային բանկինգը, լրտեսությունը։

Նրա խոսքերով` այսօր ավելի հաճախ են գողանում հասանելիության չափանիշները։

Մուրադյանը նաև կոչ է արել սոցիալական ցանցերից օգտվողներին և բոլոր օգտատերերին ավելի զգույշ լինել տարբեր հղումներով անցում կատարելիս, որոնք կարող են վնասակար լինել, ինչպես նաև տարբեր կայքերում, էլեկտրոնային փոստերում գաղտնիության կարգավորումների դեպքում։

Նա նաև կարևորել է որոշ տեխնոլոգիական խնդիրները, մասնավորապես` հավելվածների խոցելիությունը։

ArmNet Awards 2015–ի արդյունքները

Նույն օրը երեկոյան հրապարակվեցին ArmNet Awards 2015–ի հաղթողների անունները։

Մասնավորապես, «Դիզայն և հարմարավետություն/վեբ կայք» անվանակարգում լավագույնն է ճանաչվել http://marogmarketing.com կայքը։ Shadowmatic խաղային բջջային հավելվածը հաղթել է «Դիզայն և հարմարավետություն/բջջային հավելված», ինչպես նաև «Նորարարություն» անվանակարգերում։ «Հասարակական ազդեցություն» անվանակարգում հաղթել է  http://www.armcomedy.com–ը, «Ժյուրիի հատուկ մրցանակ/վեբ կայք» անվանակարգում հաղթել է https://100lives.com–ը, «Ժյուրիի հատուկ մրցանակ/ բջջային հավելված» անվանակարգում` ggTaxi–ն։

ArmNet Awards հայկական կայքերի առաջին մրցույթն անցկացվել է 2010 թ.–ին։ Մրցույթին մասնակցել է մոտ 600 կայք, ևս մոտ 400–ը հայտ են ներկայացրել գրանցման ավարտից հետո և այդ պատճառով չեն ներառվել մրցույթին մասնակցող ռեսուրսների ցանկում։

ArmNet ամենամյա մրցույթի կազմակերպիչներն են Maeutica բրենդային գործակալությունը, Orange Armenia բջջային օպերատորը և «Ինտերնետ հանրություն» հայկական ՀԿ–ն։ telecom.arka.am հեռահաղորդակցական պորտալը ArmNet Awards 2015–ի ինֆորմացիոն հովանավորն է։

Orange Armenia–ն France Telecom (ապրանքանիշը` Orange) ընկերության 100 տոկոսանոց դուստր ընկերությունն է, որը հայկական շուկա է մտել 2009թ.–ի նոյեմբերի 5–ին։ Այն ապահովում է ցանցի 83 տոկոսանոց ծածկույթ և բջջային ցանցի և ինտերնետ հասանելիություն հանրապետության 600 համայնքներում (քաղաքներում և գյուղերում) ($1 - 473,05 դրամ) ։–0–

Ծանոթացեք լուրերին առաջինն ու քննարկեք դրանք մեր Telegram-ում

18:23 07.04.2015