Աշխարհի առաջին SMS հաղորդագրության հեղինակը պատմել է դրա բովանդակության մասին
ԵՐԵՎԱՆ, 4 դեկտեմբերի. /ԱՌԿԱ/. Պատմության մեջ առաջին SMS հաղորդագրությունն ուղարկվել է 25 տարի առաջ Նիլ Փափվորտի կողմից։ Նա հաղորդագրությունն ուղարկել է իր գործընկերոջը։
Ինչպես գրում է Lenta.ru–ն, այդ մասին Sky News հեռուսստաալիքին պատմել է SMS–ի հեղինակը, ով համակարգչային ծրագրերի մշակող է։
SMS հաղորդագրությունը ստացել է Vodafone հեռահաղորդակցական ընկերության տնօրենը, այնտեղ գրված էր «Շնորհավոր Սուրբ Ծնունդ»։ Ինչպես նշում է Փափվորտը, նա այդպես էլ չստացավ պատասխան։ 1992 թվականին բջջային հեռախոսները կարող էին ընդունել հաղորդագրություններ, սակայն ուղարկելու համար համակարգիչ էր անհրաժեշտ։
«Տեքստային հաղորդագրություններն իմ հայտնագործությունը չէին, ես պարզապես այն հաջողակն էի, ով ուղարկեց առաջին SMS–ը», – ասել է Փափվորտը։
Նա նաև նշել է, որ առաջին SMS հաղորդագրությունից ընդամենը 20 տարի անց` 2012 թվականին, միայն Մեծ Բրիտանիայում ուղարկվել է 151 մլրդ հաղորդագրություն։
Հոկտեմբերին Ավստրալիա դատարանը ճանաչեց մահից առաջ ուղարկված SMS հաղորդագրությունն ինքնասպանի լիարժեք կտակ։ Դատարանը որոշում կայացրեց տունը տալ մահացածի եղբորն ու եղբորորդուն`առանց ոչնչի թողնելով նրա կնոջն ու որդուն։ –0–
Ծանոթացեք լուրերին առաջինն ու քննարկեք դրանք մեր Telegram-ում
15:55 04.12.2017