Ավելի շատ ինտերնետ U! Կանխավճարային ծառայության բաժանորդների համար

ԵՐԵՎԱՆ, 21 դեկտեմբերի. /ԱՌԿԱ/. Ս.թ. դեկտեմբերի 15-ից U! Կանխավճարային ծառայության U!1000, U!1500, U!2000 սակագնային պլանների առկա և նոր բաժանորդները նույն ամսավճարի դիմաց վայելում են ինտերնետ ներառումների ավելի մեծ ծավալներ, հայտնում են ընկերության մամուլի ծառայությունից:

«Օրինակ՝ U!1000 սակագնային պլանի բաժանորդները յուրաքանչյուր ամիս ստանում են 1 ԳԲ ինտերնետ նախկին 100 ՄԲ-ի փոխարեն: U!1500 սակագնայինպլանի բաժանորդներն ամեն ամիս ստանում են 1.5 ԳԲ ինտերնետ ծավալ նախկին 1ԳԲ-ի փոխարեն, իսկ U!2000 սակագնային պլանի բաժանորդները՝ 2 ԳԲ նախկին 1.5ԳԲ-ի փոխարեն», - նշվում է տարածած հաղորդագրությունում:

Հավելենք, որ U!3000 կանխավճարային սակագնային պլանի բաժանորդները շարունակում են ստանալ ամսական 3 ԳԲ ինտերնետ ծավալ:

Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` «Յուքոմը» կարողացել է իր հաստատուն դիրքը գրավել Հայաստանի հեռահաղորդակցման շուկայում: –0–

Ծանոթացեք լուրերին առաջինն ու քննարկեք դրանք մեր Telegram-ում

17:36 21.12.2017