Beeline-ի գլխավոր տնօրենը դասախոսությամբ հանդես է եկել «Շիրակացու ճեմարանում»
ԵՐԵՎԱՆ, 15 դեկտեմբերի. /ԱՌԿԱ/. Beeline-ի գլխավոր տնօրեն Անդրեյ Պյատախինը հանդիպել է «Շիրակացու ճեմարան» միջազգային գիտակրթական համալիրի ավագ դպրոցի սաների հետ և հանդես է եկել դասախոսությամբ «Աշխատաշուկայի պահանջները և ժամանակակից տեխնոլոգիաները» թեմայով, հաղորդում է ընկերության մամուլի ծառայությունը։
Ճեմարանը հայաստանյան առաջատար ընկերությունների ներկայացուցիչների հետ հանդիպումներ է իրականացնում ՝ կարևորելով սաների մասնագիտական կողմնորոշումը:
Հանդիպման ընթացքում Beeline-ի ղեկավարը ներկայացրել է ժամանակակից աշխատաշուկայի պահանջները և այդ պահանջներին համապատասխանելու գործիքները։
«Աշխարհը դեռ երբեք այսքան արագ չի փոփոխվել, ինչպես 21-րդ դարում, ու սա վերաբերում է նաև աշխատաշուկային։ Որոշ մասնագիտություններ վերանում են, մյուսներն ի հայտ են գալիս, և այդ գործընթացը շարունակվելու է։ Յուրաքանչյուր նոր սերունդ պետք է ավելի ու ավելի ճկուն գտնվի։ «ՎԵՈՆ Արմենիա»-ն որպես գործատու և ես որպես այդ ընկերության ղեկավար շահագրգռված ենք, որպեսզի մեր երկրում միշտ լինեն լավ պատրսատված, ուժեղ կադրեր, որոնք կկարողանան կողմնորոշվել ժամանակակից իրողություններում և պատրաստ կլինեն միշտ սովորել ու զարգանալ», - նշել է Հայաստանում Beeline-ի գլխավոր տնօրեն Անդրեյ Պյատախինը:
Նշենք, որ Beeline-ի ղեկավարի հետ այս հանդիպումը դարձավ Ճեմարանի հետ համագործակցության շարունակությունը: Նախորդ ուսումնական տարվա ընթացքում ճեմարանականները մասնակցեցին Beeline համալսարանի կազմակերպած բիզնես խաղին, որի ընթացքում լավագույնը ճանաչված աշակերտն աշխատանքի հնարավորություն ստացավ ընկերությունում, իսկ պահուստային թիմում ընդգրկված մյուս երկու սաները մասնակցեցին անձնային աճի դասընթացների:
«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 235 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում: –0–
Ծանոթացեք լուրերին առաջինն ու քննարկեք դրանք մեր Telegram-ում
18:45 15.12.2017
