«ԱրմենՏել» ընկերությունը (ապրանքանիշը` Beeline) իր բաժանորդների համար տոնական ակցիա է անցկացնում
ԵՐԵՎԱՆ, 11 դեկտեմբերի. /ԱՌԿԱ/. «ԱրմենՏել» ընկերությունը (ապրանքանիշը` Beeline) հայտարարում է Beeline շարժական կապի կանխավճարային և հետվճարային համակարգերի ֆիզիկական անձ հանդիսացող բաժանորդների համար Ամանորյա ակցիայի անցկացման մասին, հայտնում է ընկերության մամուլի ծառայությունը։
Ակցիայի շրջանակում մինչև 2014թ–ի հունվարի 15-ը Beeline վաճառքի և սպասարկման գրասենյակներում բջջային հեռախոս ձեռք բերելու դեպքում ընկերությունը բաժանորդին կնվիրի 2014 անվճար ներցանցային րոպե կամ 2014 մեգաբայթ, որոնք կարելի է օգտագործել ակտիվացնելուց հետո՝ 30 օրվա ընթացքում։
«Ամանորի նախաշեմին մենք ավելացրել ենք հեռախոսների տեսակները Beeline վաճառքի և սպասարկման գրասենյակներում և որոշել ենք մատուցել յուրահատուկ նվեր շարժական կապի բաժանորդներին։ Գնելով հեռախոս՝ բաժանորդը նվեր կստանա անվճար ներցանցային րոպեներ կամ մեգաբայթեր։ Ընկերության անունից ի սրտե շնորհավորում եմ մեր բաժանորդների Ամանորն ու Սուրբ Ծնունդը։ Ցանկանում եմ, որ նրանք առավելագույնս գոհ լինեն մեր պարզ և հասարակ ծառայություններից, որոնք ստեղծված են հատուկ իրենց համարե, - նշել է «ԱրմենՏել» ընկերության գլխավոր տնօրեն Անդրեյ Պյատախինը:
Ծառայության, ինչպես նաև հեռախոսների տեսակների մասին հավելյալ տեղեկատվություն կարող եք ստանալ այցելելով Beeline վաճառքի և սպասարկման գրասենյակներ կամ www.beeline.am կայք։
«ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմը» հանդիսանում է աշխարհի խոշորագույն ինտեգրված օպերատորներից մեկը, որն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:53 11.12.2013