Հայաստանում Beeline-ը պատրաստ է տոնական օրերի ծանրաբեռնված աշխատանքին

ԵՐԵՎԱՆ, 29 դեկտեմբերի. /ԱՌԿԱ/. Հայաստանում Beeline-ը լուրջ քայլեր է ձեռնարկել կապի ծառայությունների անխափան աշխատանքը և հաճախորդների սպասարկումը բարձր մակարդակով ապահովելու համար, հայտնում է ընկերության մամուլի ծառայությունը։

Մասնավորապես, ինչպես նշվում է հաղորդման մեջ, ընկերությունը մեծացրել է բջջային ցանցերի և միջազգային ինտերնետ ուղիների տարողունակությունը։ Բացի այդ, ուժեղացվել է 2G, 3G և 4G բջջային ցանցերի ծածկույթը Երևանի կենտրոնում և այն հատվածներում, որտեղ ավանդաբար տոնական միջոցառումներ են տեղի ունենում։

«Մենք մաքսիմալ պատրաստել ենք մեր ցանցը, գրասենյակներն ու բաժանորդների սպասարկման կենտրոնը տոնական օրերին ծանրաբեռնված ռեժիմով աշխատելուն, որպեսզի մեր բաժանորդները ստանան իրենց բոլոր շնորհավորանքները հեռախոսով, ինտերնետով և SMS-ով։ Beeline-ը շնորհավորում է բոլորի գալիք տոները և նոր տարում մաղթում է բազմաթիվ նոր և վառ հաղթանակներ ու ձեռքբերումներ», - նշեց Հայաստանում Beeline-ի Գլխավոր տնօրեն Անդրեյ Պյատախինը:

Beeline-ը շնորհավորել է բաժանորդների Ամանորն ու Սուրբ Ծնունդը։

 «ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 235 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:-0-

Ծանոթացեք լուրերին առաջինն ու քննարկեք դրանք մեր Telegram-ում

13:06 29.12.2017