Մոսկվայում սկսել է գործել աշխարհի ամենաարագ բջջային ցանցը

ԵՐԵՎԱՆ, 26 փետրվարի. /ԱՌԿԱ/. Մոսկվայի Սադովոյե կալցոյի սահմաններում սկսել է գործել «Մեգաֆոնի» ցանցը, որը հիմնված է LTE-Advanced տեխնոլոգիայի վրա։ Կապի այս ստանդարտը LTE տեխնոլոգիայի զարգացում է, այն ապահովում է տվյալների փոխանցման շատ ավելի բարձր արագություն` մինչև 300 Մբիթ/վ։

Հղում անելով Շարժական սարքավորման մատակարարների (GSA) գլոբալ ասոցիացիային` «Մեգաֆոնը» հայտարարում է, որ նրա ցանցը ապահովում է աշխարհում շարժական ինտերնետի ամենամեծ արագությունը, հաղորդում է cnews.ru–ն։

Դա հաստատել է նաև ՌԴ կապի նախարար Նիկոլայ Նիկիֆորովը, ով Twitter-ի իր միկրոբլոգում գրել է, որ LTE-Advanced ցանց է գործում նաև Կորեայում, սակայն դրա արագությունը չի գերազանցում 150 Մբիթ/վ–ը։

Մինչև 2014 թ. վերջը «Մեգաֆոնը» խոստանում է LTE-Advanced ցանցով ապահովել Մոսկվայի օղակաձև ավտոճանապարհի տարածքը, իսկ հետագայում` Ռուսաստանի մյուս խոշոր քաղաքները։–0–

Ծանոթացեք լուրերին առաջինն ու քննարկեք դրանք մեր Telegram-ում

11:35 26.02.2014