CARFAX հայտնի ծառայությունն արդեն հասանելի է Հայաստանում
ԵՐԵՎԱՆ, 18 փետրվարի. /ԱՌԿԱ/. Հայաստանում պաշտոնապես գործարկվել է CARFAX հայտնի ծառայությունը, որը թույլ է տալիս ԱՄՆ–ից գնորդներին և ներկրողներին հարցման միջոցով ստանալ անհրաժեշտ տեղեկություն, ասվում է CARFAX–ի պաշտոնական էջում։
Տվյալ ծառայության օգնությամբ կարելի է տեղեկություն ստանալ այն մասին, թե որքան տեր է ունեցել մեքենան, քանի կիլոմետր է այն անցել, հայտնվել է, արդյո՞ք, ՃՏՊ–ում և ինչ նորոգում է կատարվել։ Հայաստանում այդ ծառայությունը ներկայացնում է 4car.am վարորդական ինտերնետ–պորտալը, որը Հայաստանում CARFAX–ի պաշտոնական գործընկերն է։
4car.am–ի ներկայացուցիչները նշում են, որ տվյալ ծառայությունը թույլ կտա ավելի հստակ տեղեկություն ստանալ «ավտոմեքենայի» պատմության մասին, և առավել արդյունավետ որոշում ընդունել դրա գնի վերաբերյալ։
«Հայ գործընկերներին «մեկ պատուհան» սկզբունքով CARFAX ծառայության տրամադրումը համալիր ծառայությունների մատուցման մեր քաղաքականության մասն է։ Շուտով կլինեն մի շարք այլ առաջարկություններ` ներառյալ օնլայն հարցումը և գույքահարկի վճարումը, բջջային հեռախոսի օգնությամբ համարանիշների ստացման հարցումը և այլն»,– նշեց «Դրալվտեկ» ընկերության տնօրեն, 4car.am կայքի ստեղծող Լևոն Եղյանը։
4car.am ինտերնետ–պորտալը 2012 թվականին ստեղծել են «Microsoft Innovation» կենտրոնի երիտասարդ պրոֆեսիոնալները «Նիկիտա Մոբայլ» ընկերության աջակցությամբ։ -0-
Ծանոթացեք լուրերին առաջինն ու քննարկեք դրանք մեր Telegram-ում
18:51 18.02.2015