Վիճակահանության արդյունքում ՎիվաՍել-ՄՏՍ-ի քառասուն բաժանորդներ Google Nexus S սմարթֆոններ են ստացել

ԵՐԵՎԱՆ, 2 օգոստոսի. /ԱՌԿԱ/. ՎիվաՍել-ՄՏՍ բջջային օպերատորի հետվճարային համակարգի քառասուն բաժանորդներ, ովքեր մասնակցում էին հատուկ վիճակահանությանը, հինգշաբթի Google Nexus S սմարթֆոններ են ստացել:

Հաղթողներին մրցանակները հանձնել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Վիճակահանությանը կարող էին մասնակցել անհատական կամ կորպորատիվ սակագնային պլանի հետվճարային համակարգի բաժանորդները, ովքեր անձամբ են վճարում հաշիվները, որոնց հաշվեկշիռը վերջին երեք ամիսների ընթացքում (ապրիլ, մայիս, հունիս) կազմել է 30 հազար և ավելի դրամ:

Վիճակահանության և դրա պայմանների մասին բաժանորդները տեղեկացվել էին սմս-հաղոդագրությունների միջոցով:

Եզրափակիչ փուլ անցած բաժանորդների թվում պատահական մեթոդով ընտրվել է 40 հաղթող, ովքեր սմարթֆոնները ստանալու համար հրավիրվել էին ՎիվաՍել–ՄՏՍ–ի գլխավոր գրասենյակ։

Նման վիճակահանությունն անցկացվում է արդեն երկրորդ անգամ։

ՎիվաՍել-ՄՏՍ (Ղ-Տելեկոմ) ընկերությունը հայկական շուկայում աշխատում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-

Ծանոթացեք լուրերին առաջինն ու քննարկեք դրանք մեր Telegram-ում

14:56 02.08.2012