Այսուհետ Օրանժ Արմենիայի բաժանորդներն Արցախում բջջային ինտերնետից կօգտվեն 45 դրամ/ՄԲ սակագնով
ԵՐԵՎԱՆ, 3 նոյեմբերի. /ԱՌԿԱ/.Այժմ Արցախ այցելելիս Օրանժ Արմենիայի բաժանորդները կարող են բջջային ինտերնետից օգտվել 45 դրամ սակագնով` առանց որևէ ակտիվացման վճարի: Նույն սակագինը գործում է նաև դեպի Հայաստան, տեղական ցանցեր և մուտքային բոլոր զանգերի համար, հաղորդեցին ընկերության մամուլի ծառայությունից:
«Մեր բաժանորդներն արդեն հնարավորություն ունեին Արցախ ճամփորդելիս իրենց մտերիմներին և գործընկերներին զանգել մատչելի 45 դրամ սակագնով, այժմ ուրախ ենք նրանց հնարավորություն ընձեռել բջջային ինտերնետից ևս օգտվել նույն հարմար սակագնով», - նշել է Օրանժ Արմենիայի գլխավոր տնօրեն Ալեքսանդր Եսայանը:
Հիշեցնենք, որ այս տարվա մարտին Արցախը համալրեց Օրանժ Արմենիայի բաժանորդների կողմից կարևորվող երկրների ընդարձակ ցանկը՝ ներառյալ Եվրոպական երկրները, Ռուսաստանը, Վրաստանը, ԱՄՆ և շատ ուրիշներ, որտեղ ընկերությունը հնարավորություն է տալիս հարմար և մատչելի պայմաններով օգտվել ռոմինգ ծառայություններից:
Օրանժ Արմենիան France Telecom (ապրանքանիշը` Orange) ընկերության 100 տոկոսանոց դուստր ընկերությունն է, որը հայկական շուկա է մտել 2009թ.–ի նոյեմբերի 5–ին։ Այն ապահովում է ցանցի 83 տոկոսանոց ծածկույթ և բջջային ցանցի և ինտերնետ հասանելիություն հանրապետության 600 համայնքներում (քաղաքներում և գյուղերում)։ -0-
Ծանոթացեք լուրերին առաջինն ու քննարկեք դրանք մեր Telegram-ում
13:24 03.11.2015
