«ԱրմենՏելը» «SMS-մարաթոն» նոր ծառայությունը գործարկել է կանխավճարային համակարգի բաժանորդների համար
ԵՐԵՎԱՆ, 12 մարտի. /ԱՌԿԱ/. «ԱրմենՏել» ընկերությունը (ապրանքանիշը Beeline) «SMS-մարաթոն» նոր ծառայություն է գործարկել կանխավճարային համակարգի ֆիզիկական անձ հանդիսացող բաժանորդների համար, երկուշաբթի «ԱՌԿԱ» գործակալությանը հայտնեցին ընկերության մամուլի ծառայությունից:
Նոր ծառայությունը հնարավորություն է ընձեռում ուղարկել կարճ հաղորդագրություններ Հայաստանի բոլոր բջջային ցանցերին` կես գնով, սկսած օրվա 3-րդ SMS-ից: Օրացուցային օրվա ընթացքում առաջին երկու SMS հաղորդագրությունները կտարիֆիկացվեն ըստ բաժանորդի գործող սակագնային փաթեթի:
Հաղորդագրության համաձայն, «SMS-մարաթոն» առաջարկը գործում է մինչև 2012թ-ի մայիսի 31-ը:
«ԱրմենՏել» ընկերության Գլխավոր տնօրեն Իգոր Կլիմկոյի խոսքով, քանի որ գարնանային ամիսները Հայաստանում լի են տոներով, «ԱրմենՏել» ընկերությունն ուրախ է առաջարկել իր հաճախորդներին շփման նոր հնարավորություն` իրենց հարազատների և մտերիմների հետ:
«SMS-մարաթոն» ծառայությունը` մատչելի և հարմար շփման հնարավորություն է պահանջված բոլորի կողմից, հատկապես տոն օրերին, երբ կտրուկ աճում է SMS ծառայությունների օգտագործումը», - նշել է նա:
«SMS-մարաթոն» ծառայությունը կարելի է ակտիվացնել նշված տարբերակներից մեկով. ուղարկելով «20» տեքստով SMS հաղորդագրություն 0674 համարին, զանգահարելով 067420 համարին կամ ուղարկելով *110*20# հրահանգը:
Ծառայության միացման վարձը 150 դրամ է, բաժանորդային վարձը` օրը 5 դրամ: «SMS-մարաթոն» ծառայությունից կարող են օգտվել կանխավճարային համակարգի բոլոր սակագնային փաթեթների ֆիզիկական անձ հանդիսացող բաժանորդները, բացի «Շարժական ինտերնետ», «Ուլտրա», «Բարի գալուստ» և «ZrO» սակագնային փաթեթների բաժանորդներից:
«ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի դուստր ձեռնարկությունն է, 2007 թվականի ապրիլից «ԱրմենՏելի» բաժնետոմսերի 100 տոկոսը պատկանում է ռուսական ընկերությանը: «ԱրմենՏել» ընկերությունը մատուցում է անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ: -0-
Ծանոթացեք լուրերին առաջինն ու քննարկեք դրանք մեր Telegram-ում
19:00 12.03.2012