ՎիվաՍել-ՄՏՍ-ի «STARTPHONE» ՍՊ–ի շրջանակում առաջարկվող սմարթֆոնների շարքը համալրվել է նոր մոդելներով
ԵՐԵՎԱՆ, 26 մայիսի. /ԱՌԿԱ/. ՎիվաՍել-ՄՏՍ-ի «STARTPHONE» սակագնային պլանի շրջանակում առաջարկվող սմարթֆոնների շարքը համալրվել է նոր մոդելներով, որոնք սակագնային պլանին 24 ամսով բաժանորդագրվելիս կարելի է ստանալ ընդամենը 1 դրամով, նշվում է ընկերության հաղորդագրության մեջ։
Մասնավորապես, STARTPHONE 23500 ՍՊ–ի բաժանորդները հնարավորություն ունեն արտոնյալ գնով ձեռք բերել Samsung Note 5 սմարթֆոնը, STARTPHONE 15500 ՍՊ–ի բաժանորդները կարող են արտոնյալ գնով ձեռք բերել Samsung A510 սմարթֆոնը, STARTPHONE 13500 ՍՊ–ի բաժանորդները` Samsung A310 սմարթֆոնը, STARTPHONE 10500 ՍՊ–ի բաժանորդները` Blu Vivo 5 կամ Huawei Honor 5X սմարթֆոնները, STARTPHONE 8500 ՍՊ–ի բաժանորդները` HTC 530, Blu Studio One կամ Samsung J120 սմարթֆոնները, իսկ STARTPHONE 6500 ՍՊ–ի բաժանորդները` Blu Energy X2 կամ Samsung Note 5 սմարթֆոնները։
STARTPHONE ՍՊ–ի շրջանակում ֆիքսված ամսական վճարի դիմաց բաժանորդները ստանում են խոսելաժամանակ ցանցի ներսում, ինտերնետ, ինչպես նաև անսահմանափակ ներցանցային SMS հաղորդագրություններ ուղարկելու հնարավորությունը (1000 SMS` ՎիվաՍել-ՄՏՍ-ի ցանցի ներսում)։
«Մենք ցանկանում ենք սմարթֆոնները և դրանց ընձեռած առավելությունները հասանելի դարձնել բոլորին: Այդ նպատակով պարբերաբար ընդլայնում ենք առաջարկվող սարքերի ընտրանին՝ հնարավորություն տալով բաժանորդին ընտրել իր կարիքներին և նախասիրություններին առավելագույնս համապատասխանող տարբերակը»,-նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
ՎիվաՍել-ՄՏՍ (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին ($1 – 477,78 դրամ)։ -0-
Ծանոթացեք լուրերին առաջինն ու քննարկեք դրանք մեր Telegram-ում
12:29 26.05.2016