ABBYY ընկերության հիմնադիր Դավիթ Յանը Փաշինյանի հետ քննարկել է թվային ոլորտի մասնագետների պատրաստմանը վերաբերող հարցեր
ԵՐԵՎԱՆ, 30 հունվարի․/ԱՌԿԱ/․ Վարչապետ Նիկոլ Փաշինյանն ընդունել է ֆիզիկոս, ABBYY ընկերության հիմնադիր, արհեստական բանականության ոլորտում գործունեություն ծավալող Newo.ai ընկերության նախագահ Դավիթ Յանին, հաղորդում է ՀՀ վարչապետի մամուլի ծառայությունը:
Զրուցակիցները քննարկել են բարձր տեխնոլոգիաների և մասնավորապես արհեստական բանականության ոլորտում գրանցված համաշխարհային ձեռբերումներն ու ոլորտի զարգացման հեռանկարները:
Մտքեր են փոխանակվել արհեստական բանականության բնագավառում մեր երկրում ծրագրեր իրականացնելու, թվային ոլորտի մասնագետների պատրաստման հնարավորությունների և բարձր տեխնոլոգիաների ոլորտում առկա ներուժի շուրջ:–0–
Ծանոթացեք լուրերին առաջինն ու քննարկեք դրանք մեր Telegram-ում
10:19 30.01.2024
