Apple-ը նոր iOS է ներկայացրել
ԵՐԵՎԱՆ, 6 հունիսի. /ԱՌԿԱ/. WWDC 2017 համաժողովի շրջանակում Apple կորպորացիան ներկայացրել է իր օպերացիոն նոր համակարգերի տարբերակները, այդ թվում iOS 11-ը:
Ինպես գրում է Lenta.ru-ն, այդ միջոցառման ուղիղ հեռարձակումը կարելի է դիտել ընկերության պաշտոնական կայքում։
iOS-ում iMessage и Apple Pay-ի օգնությամբ ծանոթներին փող փոխանցելու հնարավորություն է հայտնվել: Ընկերությունում օպտիմալացրել են սարքի օգտագործվող տարածքը. iCloud-ում պահվում են սուրհանդակի հաղորդագրությունները, իսկ լուսանկարներն ու հոլովակները ավելի քիչ են «կշռում առանց որակը կորցնելու»:
Համակարգի «կառավարման կենտրոնը» նոր ձևավորում է ստացել: Արդեն բոլոր նյութերը հասանելի են մեկ էկրանի վրա, ինչպես նաև կարգավորումների ընդլայնված մենյուի որոշակի միավորի համար առկա է 3D Touch-ի աջակցությունը:
App Store հավելվածների խանութը ևս վերաձևավորվել է և այժմ նման է «երաժշտություն» հավելվածին: Հայտնվել է խաղերի, ծրագրերի առանձին հավելված, փոխվել է հավելվածի նկարագրության էջը: Առանձին են դուրս բերվել տարբեր հավաքածուները, ինչպես նաև կուրատորի խորհուրդների հոդվածները:
Համակարգում հայտնվել է հատուկ ռեժիմ, «Չանհանգստացնել ղեկին»: Այն ակտիվացվում է ավտոմատ կերպով, երբ համակարգը հասկանում է, որ օգտատերը նստում է ղեկին:
Համակարգը տեղադրման համար հասանելի կլինի 2017 թ-ի աշնանը: -0-
Ծանոթացեք լուրերին առաջինն ու քննարկեք դրանք մեր Telegram-ում
14:29 06.06.2017