Beeline–ը կտրամադրի 1000 ՄԲ անվճար ինտերնետ «My Beeline Armenia» հավելվածի միջոցով
ԵՐԵՎԱՆ, 15 սեպտեմբերի. /ԱՌԿԱ/. «ԱրմենՏել» ՓԲԸ–ն (ապրանքանիշը` Beeline) հայտարարում է «My Beeline Armenia» բջջային հավելվածի նոր ակցիայի մասին, հայտնում է ընկերության մամուլի ծառայությունը։
Սույն թվականի սեպտեմբերի 15-ից մինչև հոկտեմբերի 15-ը Beeline-ի բաժանորդները՝ իրենց բջջային հեռախոսների վրա ներբեռնելով «My Beeline Armenia» բջջային հավելվածը և գրանցվելով հավելվածում, կստանան 30 օրվա ընթացքում 1000 ՄԲ անվճար ինտերնետից օգտվելու հնարավորություն:
«Մենք աշխատում ենք մեր բաժանորդների համար ստեղծել ժամանակակից տեխնիկական լուծումներ թվային ոլորտում և տրամադրել շահավետ առաջարկներ: Համոզված եմ, որ այս հավելվածն առաջին իսկ օգտագործումից հետո կդառնա բաժանորդների լավագույն օգնականը և դրա շնորհիվ մեր ծառայությունները էլ ավելի պարզ ու հարմար կդառնան», – նշել է Հայաստանում Beeline-ի գլխավոր տնօրեն Անդրեյ Պյատախինը։
Ընկերության մամուլի ծառայությունից հայտնում են, որ «My Beeline Armenia» հավելվածի միջոցով բաժանորդը կարող է հեշտությամբ կառավարել հաշիվը, տեսնել մնացորդը, միացնել կամ անջատել կապի ծառայությունները, ստանալ հաշվի վերծանում, սակագնային փաթեթի և միացված ծառայությունների վերաբերյալ տեղեկատվություն, կատարել առցանց վճարումներ և mShop-ի միջոցով պատվիրել SIM-քարտ, սմարթֆոն և այլն: Հավելվածը անվճար կարելի է ներբեռնել Play Market, App Store և Windows հարթակներից, իսկ վեբ տարբերակով մուտք գործելու համար հարկավոր է անցնել հղումով։
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ: –0–
Ծանոթացեք լուրերին առաջինն ու քննարկեք դրանք մեր Telegram-ում
17:25 15.09.2017