Beeline-ի բրենդային հեռախոսներն ու պլանշետներն այսուհետ հնարավոր կլինի ձեռք բերել Յունիբանկի տրամադրած վարկի միջոցով
ԵՐԵՎԱՆ, 14 նոյեմբերի./ԱՌԿԱ/. «ԱրմենՏել» ՓԲԸ–ն (ապրանքանիշը`Beeline) և Յունիբանկը կտրամադրեն վարկավորման բացառիկ պայմաններ Beeline գրասենյակներում բրենդային հեռախոսներ և պլանշետներ ձեռք բերելու համար, ուրբաթ տեղեկացրել է ընկերության մամուլի ծառայությունը։
Համագործակցության շրջանակում Beeline Smart Pro սմարթֆոնը և Beeline Tab Pro պլանշետը հասանելի են առանց կանխավճարի և տարեկան տոկոսադրույքի: Երկու սարքավորումներն էլ կարելի է ձեռք բերել ապառիկ տարբերակով, 12 ամիս ժամկետով, 4990 դրամ ամսական վճարի դիմաց:
Սմարթֆոնի գնորդներն երկու ամիս շարունակ կարող են իրականացնել անսահմանափակ թվով անվճար զանգեր Beeline բջջային ցանցի ներսում և կստանան 1Գբ ծավալով բջջային ինտերնետ առանց արագության սահմանափակման և facebook.com, ok.ru և vk.com սոցիալական ցանցերից անսահամանփակ օգտվելու հնարավորություն:
Պլանշետի գնորդները կստանան 5 Գբ ծավալով գերարագ ինտերնետ և մեկ ամիս անվճար բաժանորդագրություն «Infinity 512» սակագնային փաթեթին:
«Beeline-ը շարունակում է հոգ տանել հաճախորդների հարմարավետության մասին` ձգտելով առաջարկել առավելագույնս ձեռնտու գներ և պարզ ու հարմար պայմաններ: Unibank-ի հետ համատեղ նախաձեռնության շնորհիվ մեր բաժանորդներն այլևս կարիք չունեն մտածելու կանխավճարի և տոկոսադրույքների մասին: Այժմ, Beeline գրասենյակներում ապառիկով գնումները նույնպես դարձել են պարզ և հարմար», - նշել է Հայաստանում Beeline-ի գլխավոր տնօրեն Անդրեյ Պյատախինը:
Ինչպես նշել է է «Յունիբանկ ԲԲԸ» վարչության նախագահի տեղակալ, վաճառքների և մանրածախ բիզնեսի զարգացման տնօրեն Գուրգեն Ղուկասյանը, վարկը տրամադրվում է ապառիկի ամենաձեռնտու պայմանները` 0 տոկոս կանխավճար, 0 տոկոս տոկոսդրույք, 0 տոկոս միջնորդավճար, վարկային հայտի պատասխանը հաճախորդին տրվում է մեկ րոպեի ընթացքում։
Beeline բրենդավորված հեռախոսներն ու պլանշետները մեծ ժողովրդականություն են վայելում Հայաստանում` ժամանակ առ ժամանակ դառնալով առաջատարը երկրում ամենավաճառվող սմարթֆոնների շարքում:
«ԱրմենՏել» ՓԲԸ–ն (ապրանքանիշը`Beeline) «ՎիմպելԿոմ» ընկերության դուստր ձեռնարկությունն է, 2007 թ.–ի ապրիլից «ԱրմենՏելի» բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ֆիքսված և բջջային կապի ծառայություններ։–0–
Ծանոթացեք լուրերին առաջինն ու քննարկեք դրանք մեր Telegram-ում
00:14 14.11.2015